तलवारीचा धाक दाखवून दहशत माजवणाऱ्यास नाशिकरोड पोलिसांनी ठोकल्या बेड्या

नाशिकरोड : प्रतिनिधी

तलवारीचा धाक दाखवत दहशत माजविणा-या एकास नाशिकरोड पोलीसांनी बेड्या ठोकल्या. एकलहरा येथील पहाडीबाबा झोपडपट्टीत शहर गुन्हे शाखेच्या युनिट २ च्या पथकाने ही कारवाई केली. संशयिताच्या ताब्यातील लोखंडी तलवार हस्तगत करण्यात आली आहे.गौरव भिकन गडवे (२२ रा. पहाडीबाबा झोपडपट्टी,पंचशिलनगर,एकलहरा ) असे अटक करण्यात आलेल्या संशयिताचे नाव आहे. पहाडीबाबा झोपडट्टी भागात एक जण तलवारीचा धाक दाखवून परिसरात दहशत माजवित असल्याची माहिती पोलीसांना मिळाली होती. त्यानुसार
पथकाने मुसक्या आवळल्या. संशयिताच्या ताब्यात लोखंडी तलावर हस्तगत करण्यात आली आहे. याबाबत जमादार बाळू शेळके यांनी दिलेल्या फिर्यादीवरून गुन्हा दाखल करण्यात आला आहे.

Bhagwat Udavant

भागवत उदावंत हे गेल्या 25 वर्षापासून पत्रकारितेत असून, विविध दैनिकांत उपसंपादक, वरिष्ठ उपसंपादक म्हणून काम केलेले आहे. गांवकरीत सध्या वृत्तसंपादक या पदावर कार्यरत आहेत. ऑनलाइन व डिजिटल पत्रकारिता बरोबरच राजकीय विषयावर विपुल लेखन केलेलं आहे. पत्रकारितेतील मास्टर पदवी त्यांनी मिळवलेली आहे.