नाशिकरोडला खड्ड्यात पडून चिमुकल्याचा मृत्यू

सिडको : विशेष प्रतिनिधी
नाशिकरोड परिसरात घराजवळील पाण्याच्या खड्ड्यात पडून 13 महिन्यांच्या चिमुकल्याचा मृत्यू झाल्याची दुर्दैवी घटना घडली आहे. याप्रकरणी नाशिकरोड पोलीस ठाण्यात अकस्मात मृत्यूची नोंद करण्यात आली आहे.
मयताचे नाव प्रतीक मुकेश जमरे (वय 13 महिने, रा. एकलहरे गेट, प्रकाश राऊत यांच्या वीटभट्टीजवळ, नाशिकरोड) असे आहे. ही घटना सकाळी साडेदहा वाजेच्या सुमारास घडली. प्रतीक हा घराजवळ खेळत असताना जवळील पाण्याच्या खड्ड्यात पडला. काही वेळानंतर त्याच्यात कोणतीही हालचाल दिसून न आल्याने नातेवाइकांनी त्याला उपचारासाठी बिटको हॉस्पिटल येथे दाखल केले. उपचार सुरू असतानाच बालरोगतज्ज्ञ डॉ. चव्हाण यांनी त्याला मृत घोषित केले. या प्रकरणी नाशिकरोड पोलीस ठाण्यात अकस्मात मृत्यूची नोंद करण्यात आली असून, पुढील तपास पोलीस हवालदार मोरे करीत आहेत.

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.