जि.प. प्रारूप रचनेची अधिसूचना जाहीर

नाशिक : वार्ताहर
निवडणुका आयोगाच्या निर्देशानुसार 25 जिल्हा परिषदा व त्याअंतर्गत 284 पंचायत समित्यांच्या सार्वत्रिक निवडणुकांकरिता प्रारूपरचना कार्यक्रम जाहीर झाला असून, काल जिल्हाधिकारी कक्षात प्रारूप चनेची अधिसूचना जिल्हाधिकार्‍यांमार्फत प्रसिद्ध करण्यात आली.
जिल्हा परिषदेच्या गट व गणविषयक प्रारूप रचना प्रसिद्ध झाल्यानंतर त्यावरील हरकती व सूचना नोंदविण्याचा कालावधी 8 जूनपर्यंत असून, ज्या कुणाला कुणाच्या हरकती किंवा सूचना नोेंदवायच्या असतील त्यांनी त्या जिल्हाधिकारी कार्यालयातील ग्रामपंचायत विभागात कार्यालयीन वेळेत सकाळी 10 ते सायंकाळी 6 वाजेपावेतो नोंदवाव्यात, असे आवाहन जिल्हाधिकारी कार्यालयामार्फत करण्यात आले आहे. 8 जूननंतर प्राप्त झालेल्या हरकती किंवा सूचना विचारात घेतल्या जाणार नाहीत.
जिल्हा परिषद क्षेत्रातील गट अणि पंचायत क्षेत्रातील गणांविषयी प्राप्त झालेल्या हरकती व सूचनांवर सुनावणी होऊन तद्नंतर विभागीय आयुक्तांतर्फे योग्य तो निर्णय घेण्यात येऊन निवडणूक विभाग/
निर्वाचक गणरचना अंतिम करण्यात येणार आहे. त्यानंतर 27 जून रोजी अंतिम प्रारूपरचना शासन राजपत्रात प्रसिद्ध करण्यात येणार आहे.
राज्य निवडणूक आयोगाचे सचिव किरण कुरंदकर यांच्यामार्फत जिल्हा परिषद व पंचायत समितीच्या प्रारूपरचना कार्यक्रमाविषयी अधिसूचना प्रसिद्ध करण्यात आली आहे.