सिडको :
पती-पत्नीमध्ये झालेल्या कौटुंबिक वादातून अंबड औद्योगिक वसाहतीतील चुंचाळे येथील घरकुल याठिकाणी राहणार्‍या एका 32 वर्षीय युवकाने गळफास घेऊन आत्महत्या केल्याचा प्रकार घडला. बादल गायकवाड असे आत्महत्या केलेल्या युवकाचे नाव आहे. बादल गायकवाड हा अंबड येथील एका वजन काट्यावर हमालीकाम करत होता. सकाळी बारा वाजेच्या सुमारास त्याच्या पत्नीसोबत वाद झाल्याने बादल याने स्वतः गळफास लावून घेत आत्महत्या केली. त्याला जिल्हा रुग्णालयात दाखल केले असता डॉक्टरांनी तपासून मृत घोषित केले. दरम्यान, याप्रकरणी चुंचाळे एमआयडीसी पोलीस चौकीत नोंद करण्यात आली आहे. पुढील तपास पोलीस निरीक्षक मनोहर कारंडे यांच्या मार्गदर्शनाखाली सुरू आहे. मयत बादल गायकवाड यांच्या पश्चात पत्नी, आई, भाऊ, दोन मुली, मुलगा असा परिवार आहे.