निफाड : तालुका प्रतिनिधी
उन्हाळ्याच्या सुट्टीनंतर शाळेची घंटा आजपासून (दि. 16) सर्वत्र वाजणार आहे. शिक्षण विभाग चिमुकल्यांच्या स्वागतासाठी सज्ज झाला आहे.
प्रवेशोत्सवानिमित्त निफाड येथील वैनतेय प्राथमिक विद्यामंदिरात चिमुकल्यांच्या स्वागताची तयारी पूर्ण झाली. शाळेच्या पहिल्याच दिवशी बालकांना शाळा हवीहवीशी वाटावी यासाठी वर्गात रांगोळी, फलकलेखन, शैक्षणिक तक्ते, सुविचार, चित्रकार्ड, पताका, फुगे लावून वर्गाची सजावट केली. नवागतांच्या स्वागतासाठी संस्थाध्यक्ष वि. दा. व्यवहारे, सचिव रतन वडघुले व विश्वस्त मंडळ, निफाड पंचायत समितीचे गटशिक्षणाधिकारी प्रशांत गायकवाड, शालेय व्यवस्थापन समिती सदस्य, शिक्षण विभागाचे अधिकारी आदींच्या हस्ते मुलांना मोफत पाठ्यपुस्तकांचे वाटप करण्यात येईल, असे मुख्याध्यापिका सुजाता तनपुरे यांनी सांगितले. शाळेतील शिक्षक शालेय परिसर सफाई, वर्गसजावट, शाळा सजावटीसाठी प्रयत्न करत आहेत.