कार उलटून अपघात; महिलेसह दोन जण गंभीर जखमी*
सातपूर: प्रतिनिधी
गंगापूर रोडवर गंमत जमतहॉटेल जवळ वळणावर कार उलटून झालेल्या अपघातात महिलेसह दोन जण गंभीर जखमी झाले. मध्यरात्री हा अपघात घडला.अपघाताचे नेमके कारण अद्याप समोर आलेले नाही. मात्र चालकाचा वाहनावरील ताबा सुटल्याने गाडी वळणार उलटली असावी असा अंदाज व्यक्त करण्यात येत आहे. चालकाचे गाडीवर नियंत्रण सुटल्याने, गाडी वळणावर पलटी झाली आणि रोड वरच असलेल्या खड्ड्यात जाऊन कोसळली या घटनेमध्ये एक गंभीर तर दोन जण जखमी झाले आहेत. अपघाताची माहिती मिळताच स्थानिकांनी घटनास्थळी धाव घेतली. या अपघातामध्ये जखमी झालेल्या लोकांना तातडीने रुग्णालयात दाखल करण्यात आले. सर्व जखमींवर रुग्णालयात उपचार सुरू असून,जखमींची प्रकृती स्थिर असल्याची माहिती मिळाली.