राज्यात पंधरा लाख रोजगाराच्या संधी निर्माण होणार
दावोस :
भारतातील उद्योग आणि गुंतवणूक क्षेत्रासाठी महाराष्ट्रच गेटवे ऑफ इंडिया’ असल्याचे मुख्यमंत्री देवेंद्र फडणवीस यांचे विधान खरे ठरवणारे तब्बल 14 लाख 50 हजार कोटींचे
गुंतवणूक करार पहिल्याच दिवशी करण्यात आले. या गुंतवणुकीसोबतच राज्यात 15 लाख रोजगार संधी निर्माण होणार आहेत.
महाराष्ट्र शासनाच्या उद्योग, गुंतवणूक आणि सेवा विभागाच्या माध्यमातून यंदा विविध विभागांनी आणि विविध क्षेत्रातील उद्योगांच्या प्रतिनिधी समवेत मुख्यमंत्री फडणवीस, उद्योगमंत्री डॉ. उदय सामंत यांच्या प्रमुख उपस्थितीत या सामंजस्य करारावर स्वाक्षर्या केल्या आहेत.
हरित ऊर्जा, अन्नप्रक्रिया, पोलाद नर्मिती, आयटी-आयटीईस, डाटा सेंटर्स, ईव्ही- ऑटोमोबाइल, जहाजबांधणी, डिजिटल इन्फ्रा अशा विविध क्षेत्रांतील ही गुंतवणूक मुंबईसह राज्याच्या रत्नागिरी, पालघर, गडचिरोली, अहिल्यानगर भागात पोहोचणार असल्याने तेथे उद्योगवाढीसह मोठ्या प्रमाणात रोजगारनिर्मितीला चालना मिळणार आहे.
वर्ल्ड इकॉनॉमिक फोरमच्या वार्षिक बैठकीकरिता मुख्यमंत्री देवेंद्र फडणवीस, उद्योगमंत्री डॉ. उदय सामंत यांच्यासह महाराष्ट्र शासनाच्या विविध विभागांचे प्रतिनिधी मंडळ दावोस येथे उपस्थित आहे.
दावोसमधील पहिल्याच दिवसापासून जगभरातील विविध क्षेत्रांतील उद्योगांनी महाराष्ट्रात गुंतवणुकीसाठी स्वारस्य दर्शवणे सुरू केले. यातून गुंतवणुकीचा मोठा ओघ सुरू झाल्याने महाराष्ट्र पॅव्हेलियनमध्ये उत्साहाचे चित्र निर्माण झाले. तत्पूर्वी, दावोसमधील महाराष्ट्र पॅव्हेलियनचे मुख्यमंत्री फडणवीस यांच्या हस्ते, उद्योगमंत्री डॉ. उदय सामंत यांच्या उपस्थितीत उद्घाटन झाले. भविष्याचे वेध घेण्यासाठी सज्ज, विश्वासार्ह आणि दीर्घकाळचा भागीदार म्हणून महाराष्ट्र स्वागत करीत आहे. भारताच्या भविष्याचे पॉवर हाउस म्हणून महाराष्ट्र जगाला, उद्योग विश्वाला साद घालत आहे, अशी भावनाही मुख्यमंत्री फडणवीस यांनी व्यक्त केली.
सामंजस्य करारांवरील स्वाक्षरी व करारांच्या आदान-प्रदानप्रसंगी झालेल्या चर्चेत मुख्यमंत्री फडणवीस म्हणाले की, महाराष्ट्रावरील उद्योग क्षेत्राचा, गुंतवणूकदारांचा हा विश्वास सार्थ ठरविण्यासाठी आम्ही सदैव सज्ज आहोत. येथे होणार्या करारांवरील पुढील कार्यवाहीबाबत वॉर रूमच्या माध्यमातून लक्ष ठेवण्यात येईल. उद्योजकांना आवश्यक सुविधा वेळेत आणि दर्जेदार पद्धतीने मिळाव्यात याची काळजी घेतली जाईल, असेही त्यांनी सांगितले.
उद्योजक- गुंतवणूकदारांकडून मिळत असलेला प्रतिसाद पाहता, यंदा गतवर्षीहून अधिक गुंतवणूक आणि रोजगार संधीचे सामंजस्य करार होतील, असा विश्वासही मुख्यमंत्र्यांनी व्यक्त
केला.
दरम्यान, आगामी दोन दिवसांत दावोसमध्ये एआय, क्वांटम कंम्प्युटिंग, डिजिटल इन्फ्रास्ट्रक्चर यांसह फिनटेक, लॉजिस्टिक्स अॅण्ड इन्फ्रास्ट्रक्चर तसेच जहाज बांधणी, ईव्ही, अपारंपरिक ऊर्जा क्षेत्रातील आणखी काही उद्योग घटकांशीही गुंतवणुकीचे सामंजस्य करार होणार आहेत. त्यादृष्टीने त्यांच्या प्रतिनिधींशी, बोलणी चर्चांच्या फेर्या सुरू आहेत. ज्यांनी महाराष्ट्रात आणखी गुंतवणूक आणि विस्ताराची तयारी दर्शवली असे : कोका कोला, आयकिया, स्कोडा ऑटो. याशिवाय कार्लसबर्गचे सीईओ जेकब अँडरसन यांनी महाराष्ट्रातील गुंतवणुकीला पोषक वातावरणाचे कौतुक करताना राज्याच्या उद्योग धोरणाला दाद दिली. कंपनी लवकरच भांडवली बाजारात आयपीओ आणण्यासाठी प्रयत्नशील असल्याचे त्यांनी सांगितले. यावेळी कोका-कोला कंपनीचे सीनिअर व्हाईस प्रेसिडेंट मायकेल गोल्टझमन यांच्या समेवत देखील मुख्यमंत्री फडणवीस यांनी गुंतवणुकीच्या अनुषंगाने चर्चा झाली.
महाराष्ट्र सरकार-बीएफएन फॉर्जिंग्स
क्षेत्र- स्टील गुंतवणूक : 565 कोटी
रोजगार : 847
ठिकाण: पालघर/एमएमआर
एमएमआरडीए-सुमिटोमो रियालिटी
गुंतवणूक : सुमारे 8 बिलियन डॉलर्स
रोजगार : 80 हजार.
एमएमआरडीए-के. रहेजा
गुंतवणूक: सुमारे 10 बिलियन डॉलर्स
रोजगार : एक लाख.
एमएमआरडीए-अल्टा कॅपिटल/पंचशील
गुंतवणूक : सुमारे 25बिलियन डॉलर्स
रोजगार : 2 लाख 50 हजार.
एमएमआरडीए-एसबीजी समूह
क्षेत्र : लॉजिस्टिक्स
गुंतवणूक : सुमारे 20 बिलियन डॉलर्स
रोजगार : 4 लाख 50 हजार.
एमएमआरडीए-आयआयएसएम ग्लोबल
गुंतवणूक : सुमारे 8 बिलियन डॉलर्स
रोजगार : 80 हजार.
एमएमआरडीए-जायका
धोरण आणि स्ट्रॅटेजी पार्टनर
एमएमआरडीए-सेम्बकॉर्प डेवलपमेंट लि. सिंगापूर
एकीकृत इंडस्ट्रियल पार्कसाठी नॉलेज पार्टनर
एमएमआरडीए-टेक्निकल युनिव्हर्सिटी, मुनीच, जर्मनी शाश्वत नागरी वाहतूक प्रणाली
महाराष्ट्र सरकार सामंजस्य करार
सुुरजागड इस्पात
क्षेत्र : स्टील गुंतवणूक
20 हजार कोटी
रोजगार : 8 हजार.
ठिकाण : गडचिरोली
लोढा डेव्हलपर्स
क्षेत्र : आयटी, डेटा सेंटर्स
गुंतवणूक : 1 लाख कोटी
रोजगार : 1 लाख 50 हजार.
काल्सबर्ग
क्षेत्र ः अन्नप्रक्रिया आणि कृषी
गुंतवणूक : 500 कोटी
रोजगार : 750
योकी ग्रीन एनर्जी प्रा. लि.
क्षेत्र : नविनीकरणीय ऊर्जा
गुंतवणूक : 4 हजार कोटी
रोजगार : 6 हजार.
14 lakh 50 thousand crores in Davos