नाशिक : प्रतिनिधी
समाजातील सर्वसामान्य माणसांच्या संघर्षाची कथा मांडणारा ‘शिनेमा’ हा नाट्यप्रयोग नुकताच रंगमंचावर सादर करण्यात आला. शिनेमा म्हणजे समाजाचे प्रतिबिंब या संकल्पनेवर आधारित असलेल्या या प्रयोगाने प्रेक्षकांना हसवतानाच विचार करायलाही भाग पाडले.
नाटकाची कथा समाजातील साध्या माणसांच्या जगण्याभोवती फिरते. रोजच्या अडचणी, प्रशासकीय गुंतागुंत, आशा-निराशा आणि संघर्ष या सार्‍यांचे वास्तववादी चित्रण नाटकात पाहायला मिळते. पडद्यावर दाखवला जाणारा शिनेमा आणि प्रत्यक्ष आयुष्यातील घटना यांची सांगड घालत कथानक पुढे सरकते.
या नाटकाचे लेखन व दिग्दर्शन नचिकेत दीक्षित यांनी केले आहे. बळवंत, भगवानबाबा, सरपंच, दयाबाई, सुरेश, आकाश, पिंकी, सोमनाथ, लतिका आणि मॅडी या विविध व्यक्तिरेखांमधून कथानकाला रंगत आली. सर्व कलाकारांनी आपल्या भूमिकांमध्ये सहज अभिनय साकारत प्रेक्षकांची दाद मिळवली.
नेपथ्याची जबाबदारी शुभम धांडे आणि भूषण महाले यांनी सांभाळली असून, संगीत गौरव आयाची यांचे आहे. प्रकाशयोजना जयदीप पवार यांनी प्रभावीपणे साकारली, तर रंगभूषा मृणुजा घाटे यांनी केली. तंत्रज्ञांच्या समन्वयामुळे नाटकाची मांडणी अधिक प्रभावी ठरली.
‘शिनेमा’ हा केवळ मनोरंजनापुरता मर्यादित न राहता सामाजिक आशय मांडणारा आणि प्रेक्षकांच्या मनाला स्पर्श करणारा प्रयोग ठरला. नवोदित कलाकारांच्या या प्रयत्नाचे रंगभूमी वर्तुळात कौतुक होत आहे.
आज सादर होणारे नाटक
सायं. 6 वाजता :
काळोख देतं हुंकार
Reflection of society through the theatrical experiment ‘Shinema’