सिडकोतील अनेक भागांत साचले पाणी
सिडको : प्रतिनिधी
रात्रभर झालेल्या संततधार पावसामुळे सिडको परिसरातील जनजीवन विस्कळीत झाले असून, उंटवाडी येथील दोंदे पुलालगत वाहणारी नंदिनी नदी दुथडी भरून वाहू लागली आहे.
कोठावळे मळा, पांगरे मळा आणि बडदेनगर परिसरातील नालेही तुडुंब भरल्याने अनेक रस्त्यांवर पाणी साचले असून, वाहनचालकांना मोठ्या अडचणींचा सामना करावा लागत आहे.
रात्रभर सुरू असलेल्या संततधार पावसामुळे सिडको परिसरातील जनजीवन विस्कळीत झाले आहे. उंटवाडी येथील सिटी सेंटर मॉलजवळील दोंदे पुलालगत वाहणारी नंदिनी नदी दुथडी भरून वाहत असल्याचे सोमवारी सकाळी दिसून आले. नदीच्या पाणीपातळीत वाढ झाल्याने परिसरातील नागरिकांना सतर्क राहण्याचे आवाहन करण्यात आले आहे.
सततच्या पावसामुळे कोठावळे मळा, पांगरे मळा आणि बडदेनगर परिसरातील अंतर्गत नालेही तुडुंब भरून वाहत आहेत. काही ठिकाणी नाल्यांचे पाणी रस्त्यावर आल्याने वाहतुकीवर परिणाम झाला आहे.
Nandini river floods due to continuous rains