बनावट हॉटेल पावत्या दाखवून 2 लाख 94 हजार रुपयांची फसवणूक
सिडको : प्रतिनिधी
नाशिक जिल्हा नागरी सहकारी बँक असोसिएशनच्या कॉन्फरन्सचे नियोजन करण्याच्या बहाण्याने हॉटेल बुकिंगच्या बनावट पावत्या सादर करून 2 लाख 94 हजार रुपयांचा अपहार केल्याप्रकरणी मुंबई नाका पोलिस ठाण्यात गुन्हा दाखल करण्यात
आला आहे.
नाशिक जिल्हा नागरी सहकारी बँक असोसिएशनच्या कॉन्फरन्सच्या आयोजनाच्या नावाखाली हॉटेल बुकिंगच्या बनावट पावत्या तयार करून 2 लाख 94 हजार रुपयांची फसवणूक केल्याप्रकरणी मुंबई नाका पोलिस ठाण्यात गुन्हा दाखल करण्यात आला आहे.
या प्रकरणी अण्णासाहेब त्र्यंबकराव बडाख (वय 58, रा. नवजीवन पार्क प्रगती हौसिंग सोसायटी, द्वारका, नाशिक) यांनी फिर्याद दिली आहे. त्यानुसार राहुल दीपक रेवाळे (दीपक हॉलिडेज टूर्स अँड ट्रॅव्हल्स, एमएस स्पेस मॉल, खराळवाडी, पिंपरी-चिंचवड, पुणे) याच्याविरुद्ध गुन्हा दाखल करण्यात आला आहे. अद्याप कोणालाही अटक करण्यात आलेली नाही. पोलिसांनी दिलेल्या माहितीनुसार, 10 डिसेंबर 2025 ते 18 जुलै 2026 या कालावधीत नाशिक जिल्हा नागरी सहकारी बँक असोसिएशनच्या गोविंदनगर येथील कार्यालयात हा प्रकार घडला. आरोपीने नाशिक जिल्हा नागरी सहकारी बँक असोसिएशनचे अध्यक्ष व संचालक तसेच नाशिक जिल्हा सरकारी व परिषद कर्मचारी सहकारी बँकेच्या पदाधिकार्यांचा विश्वास संपादन केला. नाशिक अर्बन बँक्स असोसिएशन कॉन्फरन्स 2026 चे नियोजन आपण करत असल्याचे सांगून हॉटेल बुकिंगच्या बनावट पावत्या तयार करून त्या फिर्यादीला दाखविल्या. त्यानंतर बँकेकडून 2 लाख 94 हजार रुपये घेत संबंधित रकमेचा अपहार करून फसवणूक केल्याचा आरोप फिर्यादीत करण्यात आला आहे. या प्रकरणाचा पुढील तपास पोलिस उपनिरीक्षक देशमुख करीत आहेत.
In the name of conference, the Nagari Banks Association was scammed.