महासभेच्या मंजुरीसाठी प्रस्ताव ठेवला जाणार
नाशिक : प्रतिनिधी
नाशिक महापालिकेतर्फे शहरात मरण पावलेल्या व्यक्तींवर मोफत अंत्यसंस्कार केले जातात.
महापालिकेने सर्वधमीर्र्यांसाठी ही योजना आणली असून, सन 2003 पासून ही मोफत अंत्यसंस्कार योजना राबवली जात आहे. दरम्यान, या ठेक्याची मुदत साडेतीन महिन्यांत संपुष्टात येत असल्याने महापालिकेच्या घनकचरा विभागाकडून निविदा प्रक्रियेची तयारी सुरू झाली आहे. याबाबतचा प्रस्ताव तयार करून महासभेच्या मंजुरीसाठी ठेवला जाणार आहे.
शहरातील अमरधाममध्ये मोफत अंत्यसंस्कार करण्यासाठी महापालिका प्रशासन कोट्यवधीचा खर्च करत असते. गतवेळी मोफत अंत्यसंस्काराचा ठेका सात कोटी 42 लाखांना देण्यात आला होता. यंदा मात्र या निविदेत वाढ होण्याची शक्यता आहे. शहरातील सर्वधमीर्र्य नागरिकांच्या मृत्यूनंतर अंत्यविधीसाठी लागणारे साहित्य आणि सेवा मोफत उपलब्ध करून दिली जाते. 17 जानेवारी 2024 मध्ये तीन वर्षांकरिता निविदा देण्यात आली होती. हा ठेका येत्या 17 जानेवारी 2027 ला संपुष्टात येत आहे. शहरातील पंचवटी, नाशिकरोड, नाशिक पूर्व, नाशिक पश्चिम, सिडको आणि सातपूर या सहाही विभागांतील अमरधाममध्ये पार्थिवावर मोफत अंत्यसंस्कार केले जातात.
या योजनेसाठी महापालिकेच्या आरोग्य विभागाकडून कोट्यवधीची तरतूद केली जाते. मध्यंतरी ही योजना फक्त दारिद्—यरेषेखालील कुटुंबांसाठीच असावी यादृष्टीने प्रशासनाकडून विचार सुरू होता. महापालिका हद्दीत सव्वीसहून अधिक ठिकाणी अंत्यसंस्कारासाठी मोफत साहित्य उपलब्ध करून दिले जाते.
फक्त नाशिकमध्येच मोफत अंत्यसंस्कार
मोेेफत अंत्यसंस्कारासाठी महापालिकेवर कोट्यवधींचा भार पडत आहे. राज्यातील इतर कुठल्याही महापालिकेने मोफत अंत्यसंस्कार योजनेची अंमलबजावणी केलेली नाही. त्यामुळे नाशिक महापालिकेची सरसकटऐवजी केवळ दारिद्रयरेषेखालील कुटुंबांसाठीच ही योजना असावी, अशी मागणी होत आहेे.
Free funeral invitation