हल्ल्यात अधिकारी गंभीर जखमी
नांदगाव रेल्वे स्थानकावरील खळबळजनक घटना
मनमाड :अमिन शेख
एका माथेफिरू गुंडाने आरपीएफ अधिकाऱ्यावर चाकूने हल्ला केल्याची खळबळजनक घटना नांदगाव रेल्वे स्थानकावरील घडली असून .डी.के तिवारी असे या अधिकाऱ्याचे नाव आहे. त्यांना मालेगावच्या खासगी हॉस्पिटलमध्ये दाखल करण्यात आले असून हल्ला करणारा सुकेश तिरडे याला पोलिसांनी अटक करून त्याच्या विरुद्ध गुन्हा दाखल केला आहे.रेल्वे स्थानकात हा गुंड प्रवाशांना दमदाटी करत असतांना आरपीएफने त्याला ताब्यात घेऊन चौकशी साठी त्यांच्या कार्यालयात आणले असता त्याने अचानक आरपीएफ अधिकारी तिवारी यांच्यावर चाकूने हल्ला केला. विशेष म्हणजे अधिकाऱ्यावर हल्ला केल्यानंतर त्याने स्वतःवर देखील वार करून घेतला असून तो गोंदिया येथील राहणारा आहे . पोलीस अधिक तपास करत आहे.