नाशिकरोड : प्रतिनिधी
जेलरोड येथील भगवती लॉन्स समोरून जाणार्‍या मुख्य वाहतुकीच्या रस्त्यावरुन ड्रेनेज ची जाळीच चोरटय़ांनी लंपास केल्याची घटना समोर आली आहे. दरम्यान या ड्रेनेज लाईनवर जाळी नसल्याने दुचाकी थेट त्याच्या मध्ये जाऊन अपघात होऊन जिवितहानी होण्याची भीती आहे.
काही दिवसांपूर्वी या रस्त्याचे काम झाले. त्यामुळे काही महिन्यापुर्वी खड्ड्यांचे साम्राज्य असलेला रस्ता चांगला झाला आहे. त्यामुळे वाहतूक वाढली असून अनेक दुचाकीधारक वाहने सुसाट पळवत असतात. मात्र अशावेळी ड्रेनेज वरील लोखंडी जाळी नसल्याने अपघात होऊ शकतो. येथून दररोज सायकल वर जाणार्‍या शालेय विद्यार्थ्यांची संख्या अधिक आहे. तसेच दुचाकीस्वार, चार चाकी वाहणे देखील मोठ्या संख्येने जातात. एखादा अपघात होण्यापूर्वी पालिकेच्या संबधित विभागाने या ड्रेनेजवरील चोरी गेलेली जाळी तात्काळ बसविण्याची मागणी नागरिकांनी केली आहे. चोरटय़ांना लोखंडी जाळी काढताच कशी आली, याचा अर्थ ही जाळी पक्की लावली नव्हती का, ठेकेदाराने केवळ वरच्या वर ही जाळी लावली होती का, असा सवाल नागरिक उपस्थित करत आहे.
अपघात होण्यापूर्वी जाळी लावाड्रेनेजची जाळी चोरी गेल्याने येथे अपघात होऊ शकतो, रात्रीच्या वेळी काहीच समजणार नाही, थेट दुचाकीच या नाल्यात जाण्याची भीती आहे. अपघात होण्यापूर्वी पालिकेने तात्काळ लक्ष घालून याची ही दुरुस्ती करावी. जाळी बसविताना ती मजबूत लावावी जेणेकरून पुन्हा अशा पद्धतीने चोरी होणार नाही. पालिकेने जर ही जाळी लावली नाहीतर पालिके विरोधात आंदोलन करू.विलासराज गायकवाड, जिल्हाध्यक्ष, जनसुराज्य शक्ती पक्षाचे