मालेगावमध्ये पुरात उडी मारणारा तरुण बेपत्ता

मालेगाव : वार्ताहर मालेगावमधून वाहणाऱ्या गिरणा नदीवर केटीवेअर बंधारा बांधण्यात आला असून , पुरामुळे त्यावरून पाणी वाहत आहे . याच पुराच्या पाण्यात गिरणा नदी पुलावरून किल्ला परिसरात वाहणाऱ्या नईम मोहम्मद आमिन या तेवीस वर्षीय तरुणाने उडी मारली . मात्र , या तरुणाचा अद्याप शोध लागलेला नाही . याच केटीवेअर बंधाऱ्यावर अनेकजण स्टंटबाजी करत असल्याच्या घटना यापूर्वीही घडल्या आहेत . त्यामुळे पूरपरिस्थितीत या ठिकाणी बंदोबस्त ठेवण्यात यावा , अशी मागणी होत आहे . सध्या कळवण , बागलाण तालुक्यात मोठ्या प्रमाणावर पाऊस झाल्याने तेथील धरणांमधून मोठ्या प्रमाणावर विसर्ग होत असल्याने गिरणा नदीला मोठा पूर आला आहे .

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.