बालक जखमी, त्रंबकेश्वर रोडवरील घटनाव
सातपूर: प्रतिनिधी
सातपूर त्र्यंबकेश्वर रोड आय टी आय सिग्नल लगत असलेल्या उद्योग भवन समोर आज सकाळी ९ च्या सुमारास चालत्या रिक्षावर झाड पडून झालेल्या दुर्घटनेत रिक्षाचालकासह एका महीलेचा मृत्यू झाला, तर रिक्षामध्ये असलेला एक लहान मुलगा जखमी झाला,. मृत झालेल्या व्यक्तींचे रिक्षाचालक पोपट सोनवणे. व प्रवाशी शैला पटनी असे आहे,
जिल्हा शासकीय रुग्णालयात दाखल करण्यात आल्यानंतर डाँक्टरांनी तपासून मृत्यू घोषित केले. या घटनेमुळे पुन्हा एकदा धोकादायक झाडांचा प्रश्न ऐरणीवर आला आहे.
नाशिक पंचवटी येथून गंगास्नान करून सातपूर रोडने रिक्षाचालक पोपट सोनवणे सकाळी नऊच्या सुमारास शैला पटनी लहान मुलाला घेऊन जात असतानाच गुलमोहर झाड रिक्षावर पडले. त्याखाली तिघेही दबले गेले. स्थानिकांनी धाव घेत त्यांना बाहेर काढले. मात्र रुग्णालयात पोहोचण्यापूर्वीच सोनवणे व पटनी यांचा मृत्यू झाला . या झाडाबाबात अनेकदा पालिकेकडे नागरिकांनी तक्रारी केल्या, मात्र त्याकडे दुर्लक्ष केले जाते, असा आरोप येथील रहिवाशांनी केला आहे. या अघोदर अश्या घटना घडल्या आहेत.घटनास्थळी अग्नीशाम पथक व पोलिस दाखल झाले होते .