वावी जवळ अपघातात मायलेक ठार

इनोव्हाची मोटारसायकलला धडक

सिन्नर: प्रतिनिधी

सिन्नर-शिर्डी महामार्गावरील फुलेनगर फाट्याजवळील पेट्रोल पंपावर दुचाकीला इनोव्हा कारने जोरदार धडक दिल्याने माय लेकाचा जागीच मृत्यू झाल्याची घटना घडली आहे. याबाबत अधिक माहिती अशी की, फुलेनगर फाट्यावर असलेल्या पेट्रोल पंपावर दुचाकीमध्ये पेट्रोल भरून दोघे फुलेनगरकडे जाण्यासाठी शर्वरी लॉन्स समोरील रस्ता ओलांडत असतांना सिन्नरवरून शिर्डीच्या दिशेने भरधाव जाणाऱ्या इनोव्हा कार क्रमांक एम.एच. ०८ ए.एम ३३८३ हिने दुचाकी क्रमांक एम.एच. १५ एच.व्ही ७०८१ हिस जोरदार धडक दिल्याने मोटरसायकलवरील दोघांचा जागीच मृत्यू झाला.

दरम्यान, या अपघातात वैभव अशोक कुलकर्णी (३८) व सुवर्णा कुलकर्णी (७०) रा. पंचवटी या मायलेकाचा मृत्यू झाला असून त्यांचे मूळ गाव वावी असल्याचे समजते. तसेच या प्रकरणी पुढील तपास सहाय्यक पोलीस निरीक्षक सागर कोते यांच्या मार्गदर्शनाखाली पो.ह.दशरथ मोरे व नितीन जगताप करत आहे

Bhagwat Udavant

भागवत उदावंत हे गेल्या 25 वर्षापासून पत्रकारितेत असून, विविध दैनिकांत उपसंपादक, वरिष्ठ उपसंपादक म्हणून काम केलेले आहे. गांवकरीत सध्या वृत्तसंपादक या पदावर कार्यरत आहेत. ऑनलाइन व डिजिटल पत्रकारिता बरोबरच राजकीय विषयावर विपुल लेखन केलेलं आहे. पत्रकारितेतील मास्टर पदवी त्यांनी मिळवलेली आहे.