पाईपलाईनला गळती , जेलरोडला पाणी खंडित

रात्रभर शर्थीचे प्रयत्न करून दुरुस्ती पूर्ण

नाशिक : प्रतिनिधी

नाशिकरोड येथील जलशुद्धीकरण केंद्रातून जेलरोड परिसरात पाणी पुरवठा करणारी पाईपलाईन ही फिल्टर हाऊस स्वातंत्र्यसैनिक विश्रामगृहामागे 600 मी. मी पाईपलाईन लिकेज झाल्याने रविवारी (दि .11) सकाळी जेलरोड च्या विविध भागात पाणी पुरवठा होऊ शकला नाही. दरम्यान या लिकेजची माहिती मिळताच प्रभाग क्रमांक अठरा मधील माजी नगरसेवक तथा माजी प्रभाग सभापती विशाल संगमनेरे यांनी तात्काळ नाशिकरोड येथील पाणी पुरवठा विभागाच्या अधिकाऱ्यांना तात्काळ माहिती देत लिकेज दुरुस्ती करून पाणीपुरवठा सुरळीत करण्यास सांगितले. दरम्यान पालिका अधिकाऱ्यांनी पाणी पुरवठा सुरळीत करण्याकरितात शनिवारी रात्रभर काम केले. अखेर रविवारी दुपारी हे लिकेज दुरुस्ती करण्यात यश आले.

नाशिकरोड विभागीय कार्यलयतील कनिष्ठ अभियंता अशोक जेऊघाले, पी.के.गांगुर्डे यांनी शर्थीचे प्रयत्न करून लिकेज होणारी पाईपलाईन दुरुस्ती केली. दरम्यान ही पाईपलाईन जुनी झाल्यानेच लिकेज झाल्याचे बोलले जातेय. रविवारी पाईपलाईन लिकेजमुळे जेलरोड मधील जागृती नगर, अयोध्या नगर, पिंपळपट्टी मळा, सदाशिव नगर, राजरजेश्वारी परिसर आदी सह विविध भागात पाणीपुरवठा होऊ शकला नाही. त्यामुळे नागरिकांना याचा त्रास झाला.पाणी येणार नसेल तर पालिकेकडून तसे सांगण्यात येते. मात्र रविवारी पाणी न आल्याने पाणी का आले नाही अशी विचारणा नागरिक करत होते. अनेक नागरिकांना पाईपलाईन लिकेज झालीय याची माहितीच नव्हती. पालिका अधिकाऱ्यांनी शनिवारी रात्री पासून ते रविवारी दुपार पर्यंत काम सुरुच ठेवले. अखेर रविवारी दुपारी हे लिकेज रोखण्यात यश मिळविले.
यावेळी पालिका अधिकाऱ्यांना माजी नगरसेवक विशाल संगमनेरे यांचे स्वीय सहायक सुनील धोंडगे यांनी सदर ठिकाणी उपस्थित राहून अधिकारी आणि कर्मचाऱ्याना मदत केली. यावेळी मक्तेदार गौरव बाफना, सुपरवायझर
शेखर गीते, मोहन तुंगार, वॉलमन सोमनाथ खुर्दळ आदींनी लिकेज ची यशस्वीपणे दुरुस्ती केली. मोठ्या परिश्रमानंतर लिकेज दुरुस्ती केल्याने नागरिकांनी समाधान व्यक्त केले पाहिजे.

 

नाशिकरोड विभागातील काही पाईपलाईन वर्षानुवर्षे जुन्या आहेत. म्हणून अशा प्रकारे लिकेज होत असतात.
जेलरोड परिसरात याच कारणामुळे हे लिकेज झाले असावे. तसेच प्रेशर मुळे जुन्या पाईपलानावर लोड येऊन लिकेज होते. शनिवार ते रविवारी दुपार पर्यंत पालिकेचे अधिकारी आणि कर्मचारी यांनी रात्रंदिवस काम करून हे लिकेज थांबवण्यात आले.
अशोक जेऊघाले, कनिष्ठ अभियंता, ना. रोड पाणीपुरवठा विभाग

….

नवीन पाईपलाईन टाकण्याची आवश्यकता

नाशिक रोड विभागातील जेलरोड परिसरात पाणीपुरवठा करणाऱ्या पाईपलाईन या कित्येक वर्षांच्या आहेत त्यामुळे कधीही या पाईपलाईन लिकेज होण्याची सदैव भीती असते त्यामुळे नाशिक महानगरपालिकेने याकडे लक्ष देऊन तात्काळ नवीन पाईपलाईन बसवण्याची आवश्यकता असल्याची मागणी होत आहे.

 

भागवत उदावन्त Admin

भागवत उदावंत हे गेल्या 25 वर्षापासून पत्रकारितेत असून, विविध दैनिकांत उपसंपादक, वरिष्ठ उपसंपादक म्हणून काम केलेले आहे. गांवकरीत सध्या वृत्तसंपादक या पदावर कार्यरत आहेत. ऑनलाइन व डिजिटल पत्रकारिता बरोबरच राजकीय विषयावर विपुल लेखन केलेलं आहे. पत्रकारितेतील मास्टर पदवी त्यांनी मिळवलेली आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

16 hours ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

16 hours ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

16 hours ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

16 hours ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

16 hours ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

17 hours ago