प्लॅस्टिक पिशव्या वापरणाऱ्यांवर कारवाई

सिडको : वार्ताहर

शासनाने प्लॅस्टिक वापरावर बंदी घातलेली असतानाही सर्रासपणे प्लॅस्टिक पिशव्यांचा वापर होत असल्याने मनपाने कडक पाऊले उचलीत सिडकोत विशेष मोहिमेअंतर्गत कारवाई सुरू केली आहे . यावेळी अनेक व्यावसायिकांकडून दंड वसूल करण्यात आला . मनपा आयुक्त रमेश पवार यांनी आदेशित केल्याप्रमाणे संचालक , घनकचरा व्यवस्थापन विभाग डॉ . आवेश पलोड आणि विभागीय अधिकारी डॉ . मयूर पाटील यांच्या सूचनेप्रमाणे नवीन नाशिक विभागामध्ये प्रतिबंधित प्लॅस्टिक विरोधात धडक मोहीम राबविण्यात येत आहे . ही मोहीम विभागीय स्वच्छता निरीक्षक संजय गांगुर्डे यांच्या मार्गदर्शनाखाली राबविली जात आहे .

हेही वाचा : विनातिकीट प्रवाशांविरूद्ध रेल्वे प्रशासनाची विशेष मोहीम

मागील आठ दिवसांपासून नवीन नाशिकमधील व्यापारी वर्ग व नागरिकांविरुद्ध प्रतिबंधित प्लॅस्टिक त्यामध्ये सिंगल यूज व ७५ मायक्रॉनपेक्षा कमी जाडीच्या प्लॅस्टिक कॅरिबॅग वापरल्याबाबत दंडात्मक कारवाई करण्यात येत आहे . या मोहिमेत स्वच्छता निरीक्षक बी . आर . बागूल , आर . डी . मते , राजेश बोरीसा , दीपक बोडके , रावसाहेब रूपवते , जितेंद्र परमार तसेच स्वच्छता मुकादम विजय गोगलिया , राहुल गायकवाड , विशाल आवारे , अजय खुळगे ,दीपक लांडगे ,अशोक दोंदे,राजाराम गायकर ,विजय जाधव ,सुनिल राठोड,अजय सौदागर यांचे पथक कामगिरी बजावत आहे.

10 हजारांचा दंड वसूल
महापालिकेची विशेष मोहीम

… अशी असेल कारवाई
प्रतिबंधित प्लॅस्टिकचा वापर करू नये . अन्यथा नागरिक व व्यावसायिकांना या कारवाईस सामोरे जावे लागणार आहे .
प्रथम गुन्हा र.रु. ५,००० / –

दंड दुसरा गुन्हा : – र.रु. १०,००० / –

दंड तिसरा गुन्हा : – र.रु. २५,००० / – दंड व ३ महिने कारावास

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.