शिक्षक गौरव समारंभासाठी प्रस्ताव पाठविण्याचे आवाहन

नाशिक : प्रतिनिधी

नागरिक शिक्षक गौरव समिती आणि सार्वजनिक वाचनालय नाशिक यांच्या संयुक्त विद्यमाने दरवर्षी शिक्षक गौरव समारंभ सप्टेंबर महिन्यात संपन्न होत असतो . कविवर्य कुसुमाग्रज तथा तात्यासाहेब शिरवाडकर यांनी सुरू केलेल्या परंपरेनुसार शिक्षक गौरव समारंभ करण्याचे निश्चित झाले आहे . त्यासाठी प्रस्ताव मागविण्यात येत आहे . प्राथमिक शिक्षक ( खासगी शाळा ) , प्राथमिक शिक्षक ( मनपा शाळा ) , उच्च माध्यमिक शिक्षक , महाविद्यालय शिक्षक , व्यावसायिक शिक्षक , क्रीडाशिक्षक , विशेष कार्य करणारे शिक्षक , संत साहित्याचे अभ्यासक , विशेष चित्रकला शिक्षक , चित्रकला शिक्षक , मुख्याध्यापक , संशोधक प्राध्यापक , कलाशिक्षक , शास्त्रीय संगीत शिक्षक , लोककला शिक्षक अर्ज भरू शकतात . ज्यांची कायम स्वरूपाची किमान २० वर्षे पूर्ण सेवा त्यातील नाशिक मनपा क्षेत्रात किमान सलग १० वर्षे सेवा झाली आहे त्यांनीच अर्ज करावेत . शिक्षक गौरव पुरस्कार फक्त नाशिक महानगरपालिका क्षेत्रापुरताच आहे . आपले अर्ज लवकरात लवकर दि . २० जुलैपर्यंत भरून पाठवावे , असे आवाहन नागरिक शिक्षक गौरव समितीचे अध्यक्ष डॉ . यशवंतराव पाटील , उपाध्यक्ष राजेंद्र निकम व सार्वजनिक वाचनालयाचे प्रमुख सचिव डॉ . धर्माजी बोडके आणि नागरिक शिक्षक गौरव समिती यांनी केले आहे . ,

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.