केवल पार्क येथे 10–15 जणांचा कोयता, लाठी, लोखंडी पाईपने हल्ला; दोघे गंभीर जखमी, एकाला 15 टाके, उपचार सुरू
सातपूर: प्रतिनिधी
अंबड लिंकरोड येथील आझादनगर केवल पार्क परिसरात रस्त्याच्या वादातून दहा ते पंधरा जणांनी एकत्र येत धारदार शस्त्रांनी व लाठ्याकाठ्यांनी हल्ला केल्याची गंभीर घटना घडली आहे. या हल्ल्यात शफिक युनूस कुरेशी (वय ३०, व्यवसाय – भंगार गाडा) आणि युनूस युसूफ कुरेशी (वय ५१, रा. रामकृष्ण नगर, गट नंबर ७८, लिंक रोड, नाशिक) हे दोघे गंभीर जखमी झाले आहेत.
शफिक युनूस कुरेशी याला हल्ल्यात तब्बल १५ टाके पडले असून त्यांला उपचारासाठी शासकीय रुग्णालयात दाखल करण्यात आले आहे. ही घटना दिनांक 23 जानेवारी 2026 रोजी सायंकाळी सात वाजेच्या सुमारास केवल पार्क येथे घडली.
या ठिकाणी सुमारे ६०० वार क्षेत्रफळाच्या प्लॉटमधून रस्ता मागणीवरून वाद निर्माण झाला होता. या वादाचे रूपांतर थेट हिंसाचारात झाले. हल्लेखोरांनी कोयता, लाठी, लोखंडी पाईप तसेच दगडांचा वापर करत दोघांवर प्राणघातक हल्ला केला.
घटनेची माहिती मिळताच पोलिसांनी घटनास्थळी धाव घेतली पुढील तपास सुरू आहे.
न्यायपालिकेचे स्वातंत्र्य आणि तिचे पावित्र्य हा कोणत्याही लोकशाहीचा मुख्य कणा असतो; परंतु अलीकडच्या काळात न्यायपालिकेतील…
मतदार याद्यांच्या सखोल पुनरीक्षण मोहिमेतील कथित अनियमितता आणि मतचोरीच्या आरोपांवरून मुख्य निवडणूक आयुक्त ज्ञानेश कुमार…
डॉ. कंचन लोकवाणी यांची अनोखी शक्तिउपासना ♣ ‘नवदुर्गा’ ♣ नाशिकरोड : अनिल गुंजाळ नवरात्र सुरू…
वॉटरग्रेसचा ठेका रद्दची मागणी नाशिक : प्रतिनिधी वॉटरग्रेस कंपनीने सुमारे दोनशे सफाई कामगारांना काढून टाकले…
नाशिक : प्रतिनिधी नवरात्रोत्सवाच्या उत्साहात नाशिक शहरात सध्या रास गरब्याची रंगत पाहायला मिळत आहे. पारंपरिक…
महापौर हिमगौरी आडके : रामकाल पथसह महत्त्वाच्या विकासावर चर्चा नाशिक : प्रतिनिधी स्वित्झर्लंड मधील जीनिव्हा…