जिल्ह्यात बारावीच्या निकालात मुलींची अव्वल कामगिरी

येवला शहरातील एन्झोकेम माध्यमिक विद्यालयातील चार विद्यार्थिनी संस्कृतमध्ये राज्यात प्रथम

येवला ः प्रतिनिधी
फेब्रुवारी 2025 मध्ये झालेल्या बारावी परीक्षेचा निकाल सोमवारी (दि. 5) जाहीर झाला. जिल्ह्यातील बहुतांश कनिष्ठ महाविद्यालयांच्या विद्यार्थ्यांनी कौतुकास्पद यश मिळविले. मात्र, एकूण निकालात मुलींनी सर्वाधिक गुण मिळवून आम्ही हुशार असल्याचे दाखवून दिले.

येथील सेनापती तात्या टोपे शिक्षण प्रसारक मंडळ संचलित एन्झोकेम हायस्कूल व श्रीमान गंगाराम छबिलदासशेठ उच्च माध्यमिक विद्यालयाच्या विद्यार्थ्यांनी एच. एस. सी. परीक्षा फेब्रुवारी- मार्च 2025 मध्ये घवघवीत यश संपादन केले. विद्यालयातील चार विद्यार्थिनी संस्कृतमध्ये 100 पैकी 100 गुण मिळवून राज्यात प्रथम आलेल्या आहेत. सिद्धी मढवई, सानिका खोडके, पल्लवी ठोंबरे व श्रुती भावसार या विद्यार्थीनींनी संस्कृत विषयात 100 पैकी 100 गुण मिळवून राज्यात प्रथम येण्याचा मान मिळवला.
विद्यालयाच्या विज्ञान, कला व वाणिज्य तीनही शाखांचा निकाल 100 टक्के लगला आहे. विज्ञान विभागाची कलाश्री पावटेकर हिने शेकडा 91.83 गुण मिळवून येवला ब केंद्रात प्रथम आली आहे. सिद्धी मढवई 91.33 टक्के, तेजल गुजराथी 90.83टक्के, ओम सोनवणे व जिव्हेश धारणकर 89.83 टक्के गुण मिळवून अनुक्रमे द्वितीय, तृतीय व चतुर्थ क्रमांकाने उत्तीर्ण झाले आहेत. वाणिज्य शाखेतून गायत्री आवारे 87.33 टक्के, वैष्णवी काळे 86.83 टक्के व सायली देशमुख 85.50 टक्के गुण मिळवून केंद्रात अनुक्रमे प्रथम, द्वितीय व तृतीय क्रमांकाने उत्तीर्ण झाल्या आहेत.
कला शाखेतून अश्विनी संजय लभडे 86.50 टक्के, अश्विनी समाधान लभडे 85.17 टक्के व अश्विनी साबळे 82.67 टक्के मिळवून अनुक्रमे प्रथम, द्वितीय व तृतीय क्रमांकाने उत्तीर्ण झाल्या आहेत. यशस्वी विद्यार्थ्यांचे संस्थाध्यक्ष पंकज पारख, उपाध्यक्ष डॉ. मनीष गुजराथी, सरचिटणीस सुशील गुजराथी, कोषाध्यक्ष अशोक शाह व संस्थाचालक, प्रशासनाधिकारी दत्ता महाले, प्राचार्य दत्तकुमार उटवाळे, उपप्राचार्य कैलास धनवटे, पर्यवेक्षक अनिल शेलार, उच्च माध्यमिक विभागप्रमुख कैलास पाटील व कर्मचार्‍यांनी अभिनंदन केले. यशस्वी विद्यार्थ्यांना उपप्राचार्य धनवटे, कैलास पाटील, सतीश विसपुते, किशोर सोनवणे, विजय साळुंके, डॉ. सुहासिनी शिंदे, सुनील कोटमे, जनार्दन भनगडे, अंकुश गाडेकर, शीतल शिंदे, स्वाती सानप, गोविंद सुंबे, गीताश्री शिंदे आदींचे मार्गदर्शन लाभले.