केंद्रीय आरोग्य मंत्र्यांच्या साधेपणाची वन्हऱ्हाडींना भुरळ नेमक काय घडल ?

निफाड : प्रतिनिधी

कोरोनाचा प्रादुर्भाव ओसरला . नियमांचा ससेमिरा संपला . विविध धार्मिक कार्यक्रम , विवाहसोहळे धुमधडाक्यात सुरू झाले . कार्यकर्त्यांच्या कार्यास हजेरी लावताना नेत्यांची दमछाक होते . मात्र , आपल्या व्यस्त दिनक्रमात नेत्यांची विवाहसोहळ्यात हजेरी चर्चेचा विषय होत आहे . केंद्रीय आरोग्य राज्यमंत्री भारतीताई पवार यांनी अशाच एका विवाहसोहळ्यास हजेरी लावत नववधूची ओटीभरण करत आपल्या साधेपणाची लकेर उमटविली आहे . निफाड तालुक्यातील शिवडी येथील भाजपाचे निष्ठावान कार्यकर्ते संजय शिंदे यांची पुतणी साक्षी आणि सोमठाणे ( ता . येवला ) येथील सखाराम दामू हारळे यांचे चि . सागर यांचा विवाहसोहळा रविवार , दि . २४ रोजी निफाड येथील देवकृपा मंगल कार्यालयात झाला . केंद्रीय आरोग्य राज्यमंत्री भारतीताई पवारांना निमंत्रित केले होते . व्यस्त दिनक्रमात ना . पवारांना विवाहसोहळ्यास उपस्थित राहून विवाहातील ओटीभरण सुरू होऊन गेली . ना . पवारांचे भाजपा कार्यकर्ते संजय शिंदे , तालुका भाजपा उपाध्यक्ष माधव शिंदे यांनी स्वागत केले . नववधू -वरांना आशीर्वाद देण्यासाठी ना . पवार थांबल्याने शिंदे परिवारातील महिलांनी ना . पवारांना ओटीभरणाचा आग्रह धरला . केंद्रीय आरोग्य राज्यमंत्री असल्याचा कोणताही बडे जाव न करता ना . भारतीताई पवार यांनी नववधूची ओटीभरण करून नवदाम्पत्यांना शुभाशीर्वाद देत औरंगाबादकडे प्रयाण केले . याप्रसंगी सखाहरी हराळे , भाजपा तालुका उपाध्यक्ष माधव शिंदे , द्राक्ष बागायतदार संघाचे संचालक अँड . रामनाथ शिंदे , दिलीप शिंदे , अशोक शिंदे , सुरेश शिंदे आदींसह मान्यवर उपस्थित होते .

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.