बिपीन बाफना खून खटला, दोघांना फाशीची शिक्षा

नाशिक : प्रतिनिधी
बिपीन बाफना खून खटल्याचा निकाल तब्बल अकरा वर्षानंतर लागला. याप्रकरणी दोषी मुख्य आरोपी चेतन पगारे आणि अमन जट यांना जिल्हा व सत्र न्यायालयाने आज फाशीची शिक्षा सुनावली. न्यायाधीश अदिती कदम यांच्या न्यायालयाने ही शिक्षा सुनावली.
संपूर्ण जिल्ह्यात गाजलेल्या या खटल्याच्या निकालाकडे अनेकांचे लक्ष लागून होते.
बिपीन बाफना या युवकाचे 10 जून 2013 रोजी एक कोटी रुपयांच्या खंडणीसाठी अपहरण करत आडगाव शिवारात नेऊन खून करण्यात आला होता. याप्रकरणी अक्षय सुळे, संजय पवार, पम्मी चौधरी यांची यापूर्वीच न्यायालयाने निर्दोष मुक्तता केली होती. तर दोघांना दोषी ठरविले होते. सरकार पक्षातर्र्फे एकूण 35 साक्षीदार तपासण्यात आले.