सिडको : विशेष प्रतिनिधी
पंचवटी परिसरातील लामखेडे मळा येथील सृष्टी पार्कमधील एका निवासी फ्लॅटमध्ये घरफोडी करत चोरट्यांनी दोन लाख 10 हजार रुपयांचा ऐवज लंपास केल्याची घटना समोर आली आहे. याप्रकरणी पंचवटी पोलीस ठाण्यात गुन्हा दाखल करण्यात आला आहे.
याप्रकरणी अशोककुमार विठ्ठलराव दोंदे (वय 57), व्यवसायाने रिअल इस्टेट एजंट, रा. सृष्टी पार्क, दुसरा मजला, प्लॉट क्र. 07, लामखेडे मळा, तारवाला नगर, पंचवटी, नाशिक) यांनी फिर्याद दिली आहे.
पोलिसांनी दिलेल्या माहितीनुसार, दि. 8 जूनला सकाळी साडेअकरापासून ते दि. 10 जूनच्या रात्री साडेबारादरम्यान चोरट्याने फिर्यादीच्या घराच्या मुख्य
दरवाजाचा कोयंडा तोडून आत प्रवेश केला. घरातील बेडरूममधील लोखंडी कपाटातून सुमारे दोन लाख दहा हजार रुपये किमतीचे सोन्या-चांदीचे दागिने चोरून नेले आहेत.
याप्रकरणी पंचवटी पोलीस ठाण्यात गुन्हा दाखल करण्यात आला. पुढील तपास वरिष्ठ
पोलीस निरीक्षक मधुकर कड यांच्या मार्गदर्शनाखाली पोलीस
उपनिरीक्षक सोनवणे, पोलीस उपनिरीक्षक चव्हाण, हवालदार भोये करत आहेत.