रविवार कारंजासह मुख्य चौकात सीसीटीव्हीचा वॉच

 हेही वाचा :    मनपा शिक्षण अधिकारी लाच घेताना जाळ्यात

महापालिकेत प्रशासकराजवट असल्याने शहरातील विकासकामे खोळ्ंबली आहेत. दरम्यान प्रभागातील विकास कामे व्हावीत याकरिता भोसले यांनी मुख्यमंत्र्यांकडे विकास निधीची मागणी केली होती. राज्यातील महानगरपालिकांना मुलभुत सोई सुविधांचा विकास करण्याच्या कामांसाठी शासनाकडून अनुदान देण्यात येते. महानगरपालिका क्षेत्रात मुलभूत सोई सुविधांच्या विकासासाठी विशेष तरतूद या योजनेअंतर्गत अटी व शर्तीच्या अधीन राहून शासन निर्णयान्वये मंजूरी देण्यात येते. विशेषत: या निधीचा खर्च संपूर्ण खर्च राज्य शासन करेल. त्यामुळे सदर प्रकल्पाअंतर्गत निश्चित करण्यात आलेल्या कामांना प्रकल्प खर्चाच्या मर्यादेत सक्षम प्राधिका-यांची तांत्रिक मान्यता प्राप्त झाली असल्याची खातरजमा जिल्हाधिकारी यांनी करून घ्यावी. त्यानंतर जिल्हाधिकारी कामास प्रशासकीय मान्यता देतात. यानुसारच प्रभाग तेरा मध्ये एक कोटीचा निधी मंजुर केला आहे. प्रभागातीअ चौकाचौकांमध्ये येत्या काही दिवसात सीसीटीव्ही बसवले जाणार आहेत. 80 लाख सीसीटीव्ही तर 20 लाखाचे बेंचेस प्रभागात बसवले जाणार आहेत. काही दिवसांपूर्वीच निधीची मागणी मुख्यमंत्र्यांकडे केली असता त्यास तात्काळ मंजुरी दिल्याने सचिन भोसले यांनी मुख्यमंत्र्यांचे आभार मानले आहेत.

पालकमंत्र्यांच्या माध्यमातून प्रलंबित प्रश्न मार्गी लावणार