सिटीलिंकने विस्तारीत केली दोन मार्गांवरील बससेवा

नाशिक : प्रतिनिधी

नाशिक महानगर परिवहन महामंडळ लि . अर्थातच सिटीलिंकने दोन मार्गांवरील बससेवा विस्तारीत केली असून या मार्गावरील बसफेऱ्यांमध्ये देखील वाढ करण्यात आली आहे . सोमवार दिनांक २५ एप्रिल २०२२ पासून या विस्तारीत बससेवेचा लाभ प्रवाशांना घेता येणार आहे . नागरिकांची होणारी मागणी लक्षात घेता १ ) मार्ग क्रमांक १०१ वरील निमाणी ते बारदान फाटा असलेली असलेली बससेवा आता गंगापूर गावापर्यंत विस्तारीत करण्यात आली आहे . त्यामुळे निमाणी ते गंगापूर गाव मार्गे सिव्हिल , सातपूर , अशोकनगर , बारदान फाटा असा नविन विस्तारीत मार्ग असून या मार्गावरील बसफेऱ्यांमध्ये देखील वाढ करण्यात आली आहे . सकाळी ५.०० वाजेपासून २१.३० वाजेपर्यंत दर १० मिनिटांनी ही बससेवा उपलब्ध असेल . त्याचप्रमाणे २ ) मार्ग क्रमांक १०३ वरील निमाणी ते सिम्बॉइसेस दरम्यान असलेली बससेवा आता अंबड गावपर्यंत विस्तारीत करण्यात आली आहे . निमाणी ते अंबडगाव मार्गे सिव्हिल , पवननगर , उत्तमनगर , सिम्बॉइसेस , अंबडगाव असा नविन विस्तारीत मार्ग असून या मार्गावरील बसफेऱ्यांमध्ये देखील वाढ करण्यात आली आहे . सकाळी ६.०० वाजेपासून २१.३५ वाजेपर्यंत या विस्तारीत बससेवेचा लाभ घेता येणार आहे . शिवाय प्रवाशांच्या सोयीसाठी दर १० मिनिटांनी या मार्गावर बससेवा उपलब्ध करून देण्यात आली आहे .

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.