सातपूर: प्रतिनिधी
मुलाला चांगली नोकरी लावून देतो, भविष्य उज्ज्वल करून देतो असे आमिष दाखवत महिलेवर इगतपुरी आणि नाशिक येथे लैंगिक अत्याचार करणाऱ्या व टॅब मध्ये 121 व्हीडिओ सापडलेल्या तथाकथित पत्रकार तथा कन्सल्टंट रवींद्र एरंडे याला शुक्रवारी रात्री अटक केली होती. आज दुपारी न्यायालयात हजर केले असता न्यायालयाने 2 दिवसांची पोलीस कोठडी दिली. ऑफिस बॉय ने हार्ड डिस्क चोरून त्यातील व्हीडिओ च्या माध्यमातून एरंडे याला ब्लॅकमेल केले जात होते.याप्रकरणी एरंडे याने सातपूर पोलिसात धाव घेऊन ऑफीस बॉय आकाश बकरे आणि त्याच्या तीन साथीदारविरोधात तक्रार दाखल केली होती. पोलिसांनी शिताफीने ऑफिसबॉय आणि त्याच्या साथीदारांना ताब्यात घेतले होते. मात्र या व्हिडीओ मध्ये एरंडे याचेच अश्लील व्हीडिओ सापडले होते. पोलिसांनी केलेल्या आवाहननंतर एका महिलेने एरंडे विरुद्ध बलात्कार केल्याची फिर्याद दाखल केली जात होती. त्यामुळे पोलिसांनी एरंडे यास ताब्यात घेतले होते. अटक केल्यानंतर आज त्याला न्यायालयात हजर केले होते. यावेळी पोलिसांनी7 दिवस कोठडी मिळावी अशी मागणी कोर्टात केली. मात्र न्यायालयाने 2 दिवस कोठडीत ठेवण्याचे आदेश दिले.