मोठी बातमी : दिंडोरीचे प्रांत तब्बल 40 लाखांची लाच घेताना जाळ्यात

दिंडोरीचे प्रांत तब्बल 40 लाखांची लाच घेताना जाळ्यात
नाशिक: जिल्ह्यात लाचखोरी कमी होण्याचं नाव घेण्यास तयार नाही, आज लाचलुचपत प्रतिबंधक विभागाच्या गळाला मोठा मासा लागला असून, दिंडोरी येथील प्रांत नीलेश अपार यांना तब्बल 40 लाखांची लाच घेताना लाच लुचपत प्रतिबंधक विभागाने रंगेहाथ पकडले,
लखमापूर येथील एका कंपनीच्या मालकाकडे जागा कायम करण्यासाठी प्रांत अपार यांनी 40 लाखांच्या लाचेची मागणी केली होती, याबाबत त्यांनी लाचलुचपत प्रतिबंधक विभागाकडे तक्रार केली होती, त्यानुसार सापळा लावण्यात आला होता, कार्यालयातच लाच घेताना अपार यांना पथकाने पकडले, गेल्या काही दिवसातील ही आणखी एक मोठी कारवाई आहे,
यापूर्वी जिल्हा उपनिबांधक सतीश खरे, मनपा शिक्षण अधिकारी सुनीता धनगर, आरोग्य विभागातील हिवताप अधिकारी यांना रंगेहाथ पकडण्यात आले होते, आता प्रांत च जाळ्यात सापडल्याने खळबळ उडाली आहे.