मोटरसायकल आणि बसच्या भीषण अपघातात तीन शिवसैनिकांचा मृत्यू

शिरवाडे वणी फाट्याजवळ दुर्घटना

लासलगाव प्रतिनिधी

शिरवाडे(वणी)फाट्यावर मोटरसायकल आणि बसच्या भीषण अपघातात तीन शिवसैनिकांचा मृत्यू झाल्याची घटना सोमवारी रात्री ११ वाजेच्या दरम्यान घडली.

या बाबत मिळालेल्या प्राथमिक माहितीनुसार युवा सेना निफाड तालुका उपप्रमुख सुभाष माणिकराव निफाडे, निष्ठावंत शिवसैनिक महेश चंद्रकांत निफाडे,नितीन भास्करराव निफाडे यांचे काल सोमवार दि २६ जून २०२३ रोजी रात्री ११ वाजेच्या दरम्यान शिरवाडे फाट्यावर बस आणि मोटरसायकलच्या झालेल्या भीषण अपघातात निधन झाले.या घटनेमुळे आज मंगळवारी शिरवाडे वणी गाव व शिरवाडे फाटा बंद ठेवण्यात येणार असल्याची माहिती ग्रामस्थांकडून मिळाली आहे.

त्यांच्या पार्थिवावर आज दि २७ जून २०२३ रोजी सकाळी १० वाजता शिरवाडे (वणी) ता.निफाड येथे अंतीम संस्कार करण्यात येणार आहे.दरम्यान शिवसैनिकांचा अशाप्रकारे निधन झाल्याने निफाड तालुक्यात हळहळ व्यक्त करण्यात येत आहे.