दिवाळी फराळाला महागाईच्या झळा

बजेट कोलमडले : नागरिकांचे निघणार दिवाळं

नाशिक : प्रतिनिधी

दिवाळी हा नवचैतन्याचा सण आाहे.. दिवाळीच्या महिनाभर आधीपासून दिवाळीची तयारी करण्यात येते. अबालवृध्दापासून सगळ्यांनाच दिवाळीच्या सणाची उत्सुकता असते. दिवाळीत तयार केल्या जाणार्‍या फराळी पदार्थाची उत्सुकता असते. मात्र यंंदा दिवाळीतील फराळी पदार्थालाही महागाईचा फटका बसला आहे.

दिवाळी फराळासाठी लागणारे चकली, चिवडा ,लाडू, करंजी,शंकरपाळे पदार्थ केेले जातात. मात्र किराणाच्या दरात वाढ झाल्याने तयार फराळी पदार्थाच्या किंमतीत वाढ झाली आहे. त्यामुळे दिवाळीचा खुमासदार फराळ खाण्यासाठी महागाईचा झळा नागरिकांना सहन कराव्या लागणार आहेत.

पूर्वी दिवाळी फराळ बनवण्यासाठी घरातील सर्व महिला वर्ग एकत्र येत तयारी करत असत. आणि हितगुज साधत दिवाळी फराळाचे पदार्थ बनवत असत. पण काळ बदलला तसा महिलांही नोकरी करत असल्याने त्यांना ड्यूटीमुळे फराळ घरी बनवणे शक्य होत नाही. त्यामुळे गेल्या काही वर्षात तयार फराळी पदार्थांना मागणी वाढली आहे. तयार फराळी पदार्थांना वाढलेली मागणी लक्षात घेत अनेक बचत गटांकडून घरगुती फराळ विक्रीसाठी ठेवला आहे. यंदाही घरगुतीपध्द्ीने बनवलेल्या फराळी पदार्थाना मागणी वाढली आहे.

तयार फराळी पदार्थ 1 कि. किंमत

चकली 320

भाजके पोहे चिवडा 300

करंजी 600

अनारसे 600

बेेसन लाडू 600

गोड शंकरपाळे 350

तिखट शंकरपाळे 320

अनारसे पीठ 220

हेही वाचा : शिधापत्रिकाधारकांना सरकारचं दिवाळी पॅकेज

Vaishali gosavi

यंदा खाद्यतेलाच्या किंमती वाढल्याने तयार फराळच्या किंमतीही 30 टक्कयांनी वाढल्या आहेत. किंमती वाढल्या असल्या तरी यंदा ग्राहकांची तयारी फराळी पदार्थांना मागणी अधिक आहे.

वैशाली गोसावी,( घरगुती फराळी पदार्थाचे व्यावसायिक )

हेही वाचा : आरोग्यदायी दिवा

Ashvini Pande