मखमलाबादला ड्रेनेजचे पाणी रस्त्यावर

मखमलाबाद मधील कोळीवाडा नजिक ड्रेनेज पाणी रस्त्यावर : शालेय विद्यार्थ्यांसह नागरिकांचे आरोग्य धोक्यात

पंचवटी : वार्ताहर

प्रभाग ६ मधील मखमलाबाद गावातील कोळीवाडा परिसरातील ड्रेनेज मधील पाणी पूर्णपणे रस्त्यावर वाहत असून शाळेत जाण्याऱ्या विद्यार्थ्यांसह परिसरातील नागरिकांचे आरोग्य धोक्यात आले आहे.

गेल्या दोन तीन दिवसांपासून कोळीवाडा परिसरातील ड्रेनेज मधील पाणी रस्त्यावर वाहत आहे . शाळेकडे जाणारा रस्ताही या पाण्याखाली गेला आहे . त्यामुळे दोन तीन दिवसांपासून मोठ्या प्रमाणात दुर्गंधी पसरली आहे . तर याच ठिकाणी शाळा व महाविद्यालय , मनपा शाळा असल्याने विद्यार्थ्यांना याच दुर्गंधीयुक्त पाण्यातून शाळेत जावे लागत आहे . येणाऱ्या जाणाऱ्या नागरिकांना देखील दुर्गंधीचा सामना करावा लागत असून नाशिक महानगर पालिकेच्या संबधित विभागाने दखल घ्यावी अशी मागणी परिसरातील नागरिकांनी केली आहे

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.