उमराळे बुद्रुक : वार्ताहर
नाशिक-पेठ महामार्गातील सावळ घाट येथील म्हसोबा महाराज वळणावर गुरुवारी (दि. 22) पहाटे चारच्या सुमारास आयशर गाडीच्या चालकाचे नियंत्रण सुटले. त्यानंतर हे वाहन सुरक्षारक्षक भिंतीला जाऊन धडकल्याने वाहनाच्या इंजिनने अचानक पेट घेतला होता. मात्र, यात सुदैवाने जीवितहानी झाली नाही. चाचडगावचे समाजसेवक ज्ञानेश्वर पेलमहाले यांच्याशी संपर्क साधला असता त्यांनी क्षणाचाही विलंब न करता घटनास्थळी आपला पाण्याचा टँकर पाठवून आग आटोक्यात आणली. या आगीत जळून जाणारा ट्रक आगीच्या विळख्यातून वाचविण्यास यश आले. ही घटना पहाटे चारच्या सुमारास घडली. रात्रीच्या वेळेस नाशिक-पेठ गुजरात महामार्गावर वाहतूक कमी असल्याने आगीवर वेळेत नियंत्रण मिळविण्यात आले. तसेच स्थानिक पोलीस यंत्रणा ही वेळेत पोहोचल्याने आग विझवण्यास मदत झाली.
Eicher vehicle catches fire near Saval Ghat