Categories: महाराष्ट्र

शहरातून पुन्हा चार दुचाकी चोरीस

नाशिक : वार्ताहर पुन्हा एकदा चार दुचाकी चोरी झाल्याच्या घटना शहर परिसरातील अंबड , उपनगर , मुंबई नाका , गंगापूर आदी पोलीस ठाणे हद्दीत घडल्या आहेत . पहिली घटना सिडकोतील उपेंद्रनगर भागात घडली . अंबडगावातील दीपक उत्तम मुंडावरे हे मंगळवारी ( दि . १२ ) दुपारी उपेंद्रनगर भागात गेले होते . गणपती मंदिराजवळ पार्क केलेली दुचाकी क्रमांक एमएच १५ इक्यू ५१ ९९ रट्यांनी चोरून नेली . याप्रकरणी अंबड पोलीस ठाण्यात गुन्हा दाखल करण्यात आला . पुढील तपास पोलीस नाईक परदेशी करीत आहेत . दुसरी घटना उपनगर पोलिसांच्या हद्दीत घडली . हितेश बलबीररॉय नैयर ( ५६ उपचार केंद्रासमोर , जयभवानी रोड ) यांची ज्युपिटर एमएच १५ जीएच ३८२५ गेल्या शुक्रवारी ( दि . ८ ) रात्री त्यांच्या सोसायटीच्या पार्किंगमध्ये लावलेली दुचाकी चोरट्यांनी चोरून नेली . याप्रकरणी उपनगर पोलीस ठाण्यात गुन्हा दाखल करण्यात आला . पुढील तपास पोलीस नाईक शेख करीत आहेत . तिसरी घटना मुंबई नाका पोलीस ठाण्याच्या हद्दीत घडली . सुनील विश्वनाथ कुलकर्णी ( रा . वृंदावन कॉलनी ) हे गेल्या बुधवारी ( दि . ६ ) सायंकाळच्या सुमारास बोधलेनगर भागात गेले होते . क्रोमा शोरूम परिसरातील एसबीआय बँकेशेजारी एमएच १५ डीवाय ७०५४ पार्क केली . अज्ञात चोरट्यांनी चोरून नेली . याप्रकरणी मुंबईनाका पोलीस ठाण्यात गुन्हा दाखल करण्यात आला . पुढील तपास पोलीस नाईक शिंदे करीत आहेत . चौथी घटना गंगापूर पोलीस ठाण्याच्या हद्दीत घडली . उंटवाडीतील सिटीसेंटर मॉल भागात घडली . प्रकाश अशोक कचरे ( रा . गोदावरीनगर , गंगापूरगाव ) यांची पल्सर एमएच १५ जीबी ५४८ ९ मंगळवारी ( दि . १२ ) सिटी सेंटर मॉल पाठीमागील स्टॉफच्या पार्किंगमध्ये लावलेली असताना चोरट्यांनी ती पळवून नेली . याप्रकरणी गंगापूर पोलीस ठाण्यात गुन्हा दाखल करण्यात आला . पुढील तपास पोलीस नाईक परदेशी करीत आहेत .

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.