राज्य मागासवर्ग आयोगाचा आज व उद्या नाशिक दौरा

बैठक व जनसुनावणीचे आयोजन

नाशिक : वार्ताहर

महाराष्ट्र राज्य मागासवर्ग आयोग आज ( १५ जुलै ) व १६ जुलै रोजी नाशिक जिल्हा दौऱ्यावर येत आहे . शासकीय विश्रामगृह येथे आज सकाळी ११ वाजता आयोगाची महत्त्वाची बैठक होणार असून , उद्या ( १६ जुलै ) रोजी शासकीय विश्रामगृहात जनसुनावणीचे आयोजन केले असल्याची माहिती समाजकल्याण सहाय्यक आयुक्त सुंदरसिंग वसावे यांनी पत्रकान्वये दिली आहे . पत्रकात नमूद केल्यानुसार आयोजित बैठक व जनसुनवाणीसाठी राज्य मागासवर्ग आयोगाचे सदस्य सेवानिवृत्त न्यायमूर्ती अॅड . चंद्रलाल मेश्राम , प्राचार्य बबनराव तयावाडे , अॅड . बालाजी किल्लारीकर , प्राध्यापक संजीव सोनवणे , डॉ . गजानन खरोटे , डॉ . नीलिमा सराप ( लखाडे ) , प्राध्यापक डॉ . गोविंद काळे , प्राध्यापक लक्ष्मण हाके , ज्योतीराम चव्हाण व सदस्य सचिव नरेंद्र आहेर आदी उपस्थित राहणार आहेत . आज ( १५ जुलै ) रोजीच्या आयोजित बैठकीत महाराष्ट्र राज्यातील विमुक्त जाती , भटक्या जमातीमधील समुदायाचे सामाजिक , आर्थिक सर्वेक्षण करणे व त्या अनुषंगाने येणाऱ्या खर्चाचे बजेट तयार करणे , खर्चाचे बजेट अंतिम करून त्यावर निर्णय घेणे असे महत्त्वपूर्ण निर्णय घेण्यात येणार आहेत . महाराष्ट्र राज्य मागासवर्ग आयोगाकडे प्राप्त झालेल्या विविध जाती व संवर्गाच्या तक्रारीसंदर्भात जनसुनावणी १६ जुलै रोजी आयोजित केली असल्याची माहिती समाजकल्याण सहाय्यक आयुक्त सुंदरसिंग वसावे यांनी दिली आहे .

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.