सरकारवाडा पोलीस ठाण्यात एकाविरुद्ध गुन्हा दाखल
सिडको : विशेष प्रतिनिधी
जमीन खरेदी करत असल्याचा बहाणा करून ओळखीच्या व्यक्तीकडून घर गहाण ठेवून साडेअडतीस लाख रुपये घेतल्यानंतर कोणतीही जमीन खरेदी न करता रक्कम स्वतःच्या वापरात आणून, गहाण ठेवलेली मिळकत परस्पर विक्री केल्याप्रकरणी एकाविरुद्ध सरकारवाडा पोलीस ठाण्यात गुन्हा दाखल करण्यात आला आहे.
पुंडलिक सयाजी गांगुर्डे (वय 62, व्यवसाय व्यापार, सध्या रा. प्लॉट क्रमांक 03/ए, मुरकुटे कॉलनी, नवीन पंडित कॉलनी, नाशिक) यांनी याबाबत फिर्याद दिली आहे. रामराव किसन शिंदे (रा. रो-हाउस क्रमांक 06, पाटील गार्डन, पेठेनगर रोड, चार्वाक चौक, इंदिरानगर, नाशिक) असे संशयिताचे नाव आहे.
फिर्यादी व आरोपी यांची पूर्वओळख असून, आरोपीने मोठी जमीन खरेदी करण्यासाठी आर्थिक मदतीची गरज असल्याचे सांगत फिर्यादीकडून प्लॉट क्रमांक 03/ए, मुरकुटे कॉलनी येथील घर गहाण ठेवून 38 लाख 25 हजार रुपये घेतले. यासंदर्भात ताबे गहाण करारनामा करण्यात आला. मात्र, प्रत्यक्षात आरोपीने कोणतीही जमीन खरेदी केली नाही. तसेच फिर्यादीकडून घेतलेली रक्कम परत न करता स्वतःच्या
वापरात आणली.
याशिवाय, गहाण ठेवलेली मिळकत फिर्यादीच्या संमतीशिवाय परस्पर विक्री केल्याचे निष्पन्न झाले आहे. या प्रकरणी सरकारवाडा पोलीस ठाण्यात गुन्हा दाखल करण्यात आला असून, पुढील तपास पोलीस उपनिरीक्षक डगळे
करीत आहेत.
न्यायपालिकेचे स्वातंत्र्य आणि तिचे पावित्र्य हा कोणत्याही लोकशाहीचा मुख्य कणा असतो; परंतु अलीकडच्या काळात न्यायपालिकेतील…
मतदार याद्यांच्या सखोल पुनरीक्षण मोहिमेतील कथित अनियमितता आणि मतचोरीच्या आरोपांवरून मुख्य निवडणूक आयुक्त ज्ञानेश कुमार…
डॉ. कंचन लोकवाणी यांची अनोखी शक्तिउपासना ♣ ‘नवदुर्गा’ ♣ नाशिकरोड : अनिल गुंजाळ नवरात्र सुरू…
वॉटरग्रेसचा ठेका रद्दची मागणी नाशिक : प्रतिनिधी वॉटरग्रेस कंपनीने सुमारे दोनशे सफाई कामगारांना काढून टाकले…
नाशिक : प्रतिनिधी नवरात्रोत्सवाच्या उत्साहात नाशिक शहरात सध्या रास गरब्याची रंगत पाहायला मिळत आहे. पारंपरिक…
महापौर हिमगौरी आडके : रामकाल पथसह महत्त्वाच्या विकासावर चर्चा नाशिक : प्रतिनिधी स्वित्झर्लंड मधील जीनिव्हा…