गंगाघाटावरील अतिक्रमण रोखण्यासाठी सुरक्षारक्षकांत वाढ

नाशिक : प्रतिनिधी

महापालिका आयुक्त तथा प्रशासन रमेश पवार यांनी गंगाघाट परिसर अतिक्रमणमुक्त करण्याचा संकल्प घेतला आहे . त्यानुसार त्यांनी प्रथम दोघा सुरक्षारक्षकांची नियुक्ती केली होती . दोघे सुरक्षारक्षक पुरेसे नसल्याचे पाहत पालिकेने थेट सहा ते आठ सुरक्षारक्षक वाढण्याचा निर्णय घेतला आहे . सोमवारपासून विविध भागांमध्ये हॉकर्स , टपरीधारक अतिक्रमणधारकांवर मोठ्या प्रमाणात कारवाई होणार होती . मात्र , यासाठी महापालिकेच्या अतिक्रमण विभागाला पोलीस संरक्षण मिळाले नाही , यामुळे ही मोहीम रद्द झाल्याची चर्चा होती . पोलिसांनी बंदोबस्त दिला नाही यामुळे अतिक्रमण मोहीम पाहिजे त्या स्वरूपाची झाली नाही , तरीही गंगाघाट परिसरात महापालिकेच्या अतिक्रमण विभागाने कारवाई करून सुमारे शंभर लहान – मोठ्या टपऱ्या , हातगाड्या तसेच रस्त्यावर बसणाऱ्याचे साहित्य जप्त केले आहे . महापालिकेच्या अतिक्रमण विभागाला पोलीस बंदोबस्त मिळाले नसल्यामुळे मोठ्या प्रमाणात होणारी कारवाई शक्य झाली नसल्याचे समजते आहे .

नाशिक महानगरपालिकेच्या वतीने शहरात विविध भागांमध्ये अतिक्रमण निर्मूलन मोहीम सुरू करण्यात आली आहे . गंगाघाटावर महापालिका प्रशासनाने विशेष लक्ष केंद्रित केले असून , या ठिकाणी सुरक्षा व्यवस्थेमध्ये वाढ करण्यात आली आहे . या परिसरात पूजासाहित्य विक्री करणाऱ्या व्यतिरिक्त कुणालाही दुकाने लावता येणार नाही . तसेच अतिक्रमण झाल्यास या प्रकरणी थेट सुरक्षारक्षकांना जबाबदार धरण्यात येणार आहे . पालिकेच्या अतिक्रमण विभागाचे कडक लक्ष आहे .

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.