नितीन ठाकरे यांची मागणी
नाशिक : प्रतिनिधी
मराठा विद्या प्रसारक समाज संस्थेच्या मयत सभासदांच्या नवीन वारस सभासदांची यादी उपलब्ध करून द्या, या मागणीसाठी काल मविप्रच्या प्रशासकीय कार्यालयावर ऍड. नितीन ठाकरे यांच्या नेतृत्वाखाली सभासदांनी व माजी पदाधिकार्यांनी धडक दिली.
संस्थेने मयत सभासदांच्या एका वारसास संस्थेने ठरवून दिलेल्या अटी व शर्तीची पूर्तता केल्यानंतर नवीन सभासद म्हणून मान्यता देण्याबाबत म्हणजेच सभासद करुन घेण्याबाबत धोरण निश्चित केले आहे. त्याप्रमाणे संस्थेने सप्टेंबर 2017 पासून सप्टेंबर 2021 अखेर पर्यंत नवीन वारस सभासद केले आहे. त्यांची यादी मिळावी, यादी देताना मयत सभासदांचे गाव, तालुका, मतदार संघाचे नाव, मयत सभासदांचे नाव, त्याचा अनुक्रम क्रमांक, रजिस्टर क्रमांक तसेच त्यांच्याऐवजी वारस म्हणून झालेल्या सभासदांचे नाव अनुक्रम नंबर, मतदार संघाचे नाव व मयत सभासदांशी असलेले नाते असा सविस्तर उल्लेख असावा. तसेच वारस सभासदांचा टेलिफोन नंबर, व्हॉटसऍप क्रमांक देण्यात यावा. मविप्र समाज संस्था ही दहा हजाराच्या वर सभासदांची संस्था असून, संस्थेचा कारभार पारदर्शक असणे गरजेचे आहे. त्यात कुठेही संशयाला जागा राहू नये,संस्थेच्या विषयीची सर्व माहिती मिळणे हा सभासदांचा हक्क आहे. तरी सत्य माहिती द्यावी, अशी मागणी निवेदनाद्वारे करण्यात आली. या निवेदनावर अरविंद कारे, ऍड. नितीन ठाकरे, प्रतापदादा सोनवणे, डॉ. अभिमन्यल पवार, शिरीष कोतवाल, विवेक सोनवणे, वसंतराव मुळाणे, डॉ. विलास बच्छाव, कृष्णाजी भगत, मोहन पिंगळे, संतोष गटकळ, प्रभाकर मोरे यांच्यासह सभासदांच्या सह्या आहेत. याबाबतचे निवेदन मविप्र कार्यालयाला आणि धर्मादाय आयुक्तांना देण्यात आले.
अवैध व्यवसायांसह खून, लहान-मोठ्या चोर्यांची मालिका सुरूच विंचूर : संदीप शिरसाठ विंचूर ऐतिहासिक परंपरा लाभलेले…
प्रा. जावेद शेख यांचा संशोधनातून महत्त्वपूर्ण शोध सिन्नर : वार्ताहर ऐतिहासिक व स्थापत्यवैभवासाठी ओळखल्या जाणार्या…
अपघाती मृत्यूनंतर चांदवडमध्ये जनक्षोभ चांदवड : वार्ताहर येथील गणूर रोडवरील फुलेनगर भागात मंगळवारी (दि. 24)…
मनमाड : अमिन शेख मनमाड नगरपालिकेचे नगराध्यक्ष योगेश पाटील यांच्याकडून सध्या शहरात राबविली जाणारी स्वच्छता…
व्यवस्था कोलमडणार; महासभेवर लवकरच प्रस्ताव? नाशिक : प्रतिनिधी नाशिक महापालिकेला आपल्याच कचर्याचे वर्गीकरण करण्यात अपयश…
पालखी सोहळ्याने सायखेडा भक्तिमय नाशिक : प्रतिनिधी सायखेडा येथे बालाजी भगवान संस्था यांच्या प्राचीन परंपरेनुसार…