Categories: महाराष्ट्र

पाथरेच्या ग्रामसेवकाला लाच घेताना पकडले

सिन्नर : प्रतिनिधी
इमारतीची ग्रामपंचायत प्रमाणे घरपट्टी लावून देण्याच्या मोबदल्यात 25 हजारांची लाच घेताना पाथरे ता. सिन्नर येथील ग्रामसेवकाला लाच लुचपत प्रतिबंधक विभागाच्या अधिकार्‍यांनी रंगेहाथ पकडले. नितीन सगाजी मेहेरखांब (42, रा. त्रिमूर्ती चौक, फ्लॅट नंबर 2, संगमनेर) असे लाच घेणार्‍या ग्रामसेवकाचे नाव आहे. तक्रारदार यांचे पाथरे खुर्द येथे गावठाण हद्दीत जुने घर आहे. त्यांनी घराचा काही भाग तोडून दोन मजली इमारत बांधली असून, गावठाणमधील इमारतीची नोंद करुन व इमारतीची ग्रामपंचायत प्रमाणे घरपट्टी ठरवून देण्याच्या मोबदल्यात ग्रामसेवकाने पन्नास हजारांची लाच मागीतली होती. त्याचा पहिला हफ्ता 25 हजार रुपये स्वीकारताना ग्रामसेवकाला रंगेहाथ पकडण्यात आले. ही कारवाई लाच लुचपत प्रतिबंधक विभागाच्या अधीक्षक शर्मिष्ठा वालावलकर- घारगे, पोलीस निरीक्षक साधना इंगळे, सचिन गोसावी,प्रफुल्ल माळी यांच्या पथकाने केली.

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.