कोकणगावच्या विद्यार्थ्याची कल्पकता; विज्ञान प्रदर्शनात कौतुक
दिक्षी : वार्ताहर
निफाड तालुक्यातील कोकणगाव येथील श्री छत्रपती शिवाजी विद्यालयातील आठवीचा विद्यार्थी अमोल गायकवाड याने बिबट्या दिसतात एक शक्कल लढवली आहे. त्याने एक बंदूक तयार केलेली आहे, तीदेखील टाकाऊपासून टिकाऊ. त्यामध्ये तार किंवा एखादी टोकदार वस्तू आपल्याला बंदुकीची गोळी म्हणून वापरता येते. त्याने सांगितले की बिबट्या आहे; परंतु त्याला मारायचे नाही.
केवळ त्याला घाबरवायचे आहे आणि लांब पळून गेला पाहिजे. त्यासाठी त्याने बंदूक तयार केलेली आहे. या बंदुकीच्या सहाय्याने लांबून आपल्याला बिबट्याला घाबरवता येऊ शकते. त्याचे या प्रोजेक्टचे सर्वत्र कौतुक होत आहे. त्याला शाळेतल्या विज्ञान शिक्षिका गीतांजली जाधव व ज्ञानेश्वरी तासकर यांनी मार्गदर्शन केले. मुख्याध्यापक मधुकर पवार यांनीदेखील त्याचे विशेष कौतुक केले. अत्यंत कमी खर्चात त्याने ही गन बनवलेली आहे.
यात एकच छान की बिबट्याला मारायचे नाही, फक्त घाबरवायचे आहे. आपल्यापासून लांब पळवायचे आहे. त्या गनमध्ये दोन छोट्या गनदेखील त्याने ठेवता येईल, अशी जागा केलेली आहे. खूपच जवळ बिबट्या आला तर त्या छोट्या गनचा वापर आपल्याला करता येईल, असे
तो म्हणतो.
मला जेव्हा गावामध्ये बिबट्या दिसला तेव्हा सगळे घाबरायला लागले. मग घरात काही पाइप पडले होते. त्याचा वापर करून मी सेलोटेपला पाइप जोडले आणि एक रबर बँडचा वापर केला. जेणेकरून खूप लांबपर्यंत माझी बंदुकीची गोळी त्या बिबट्याला स्पर्श करेल आणि बिबट्या घाबरून पळून जाईल, असा विचार मनात आला आणि प्रत्यक्ष मी प्रोजेक्ट बनवले.
– अमोल गायकवाड, विद्यार्थीबिबट्याला बेशुद्ध करण्यासाठी इंजेक्शन देण्यासाठी ही गन अत्यंत उपयोगी ठरेल. कमीत कमी खर्चात तयार केलेली बंदूक नक्कीच प्रत्येकाच्या घरात पाहिजे. अमोलला ही कल्पना सुचली त्याबद्दल मी अमोलचे अभिनंदन करते आणि खर्‍या अर्थाने अमोल विज्ञान शिकतो आहे, असे मला आज वाटत आहे.
-गीतांजली जाधव, विज्ञान शिक्षिका