हौसेला मोल नाही, नवरदेव मिरवणुकीत सबसे कातील… गौतमी पाटील

हौसेला मोल नाही, नवरदेव मिरवणुकीत सबसे कातील… गौतमी पाटील
नाशिक: प्रतिनिधी
हौसेला मोल नसते असे म्हटले जाते,, हौस भागवण्यासाठी कोण काय करेल याचा नेम नाही, पुण्यात बैलाच्या वाढदिवसाला गौतमी पाटील चा कार्यक्रम ठेवल्याची मोठी चर्चा झाली होती, यावरून विरोधी पक्ष नेते अजित दादा पवार यांनी तर गौतमी पाटील कुठेही नाचली तर कुणाचे काय गेले असा डायलॉग मारला होता, आता नाशिक तालुक्यातील कोटमगाव येथील घुगे परिवाराने चक्क नवरदेव मिरवणुकीत गौतमी पाटील ला आमंत्रित केले होते, मात्र कायदा सुव्यवस्था याचा प्रश्न निर्माण होऊ शकतो आणि गर्दी वर नियंत्रण करणे अवघड होऊन अनास्था प्रसंग ओढवू शकतो, हे लक्षात घेऊन पोलीस प्रशासनाने परवानगी नाकारली आहे, त्यामुळे गौतमी पाटीलविना आता ही मिरवणूक होणार आहे,

वर मिरवणुकीसाठी कळवण येथील प्रसिद्ध डीजे देखील लावला आहे, त्याच्या पत्रिकाही सगळीकडे सोशल मीडियावर व्हायरल केल्या आहेत, विशेष म्हणजे जी सुपारी दिली त्याची ऍडव्हान्स दिल्याची पावती देखील पत्रिकेवर छापली आहे,

गौतमी पाटील ची मोठी क्रेझ सद्या दिसून येत आहे, नुकताच नाशिकमध्ये गौतमी पाटील चा कार्यक्रम झाला त्यात मोठा राडा झाला होता, त्यामुळे गौतमीच्या उपस्तिथीत होणारी ही मिरवणूक हटके ठरली असती तथापि, गौतमी चा कार्यक्रम आणि राडा हे समीकरण दृढ झालेलं असल्याने मिरवणूक काढल्यास गर्दीला आवरणे कठिण झाले असते, त्यामुळे परवानगी नाकारल्याने आता गौतमी पाटील येणार नाही, त्यामुळे काहीसा हिरमोड झाला आहे,