हाय-वेस्ट योगा लेगिंग्ज

आजच्या तरुणींच्या जीवनशैलीत फिटनेस म्हणजे केवळ शरीर कमावणं नव्हे, तर एक स्टाइल स्टेटमेंट झालं आहे. विशेषतः हाय-वेस्ट योगा लेगिंग्ज या ट्रेंडिंग आयटमने फॅशन आणि कार्यक्षमतेचा अफलातून मेळ घातलाय. योगा क्लास, जिम, झुंबा किंवा अगदी कॅज्युअल डे आउट हाय-वेस्ट लेगिंग्ज प्रत्येक ठिकाणी सहज जुळून येतात. पण इतकंच नव्हे, या लेगिंग्जमधून व्यक्त होतो स्वतःवरचा आत्मविश्वास, फिटनेससाठीची कटिबद्धता आणि फॅशनची समज.

कपड्यांच्या दुनियेतून आलेलं
क्रांतिकारी अपग्रेड
हाय-वेस्ट योगा लेगिंग्ज म्हणजे नेहमीच्या फिट लेगिंग्जचा स्मार्ट आणि स्टायलिश अवतार. त्याचा हाय वेस्ट बँड पोटाभोवती घट्ट बसतो आणि बॉडीला शेप देतो. हे फक्त स्टायलिश दिसण्यासाठीच नाही, तर कोर स्ट्रेंथ, पोश्चर आणि सपोर्टसाठीही उपयुक्त आहे.
प्रथम अमेरिकेतील योगा स्टुडिओंमध्ये पॉप्युलर झालेल्या हाय-वेस्ट लेगिंग्ज आता भारतीय कॉलेज मुलींमधूनही ट्रेंडमध्ये आल्या आहेत. हल्ली, लोकल ब्रँड्सपासून ते इंटरनॅशनल स्पोर्ट्सवेअरपर्यंत सगळीकडे विविध रंग, प्रिंट्स आणि टेक्सचर्समध्ये या लेगिंग्ज उपलब्ध आहेत.
फॅशनचं नवीन शस्त्र : कम्फर्ट अन् आत्मविश्वास एकत्र
योगा किंवा डान्स करताना किंवा अगदी रनिंग करताना शरीराची हालचाल मोकळी असावी लागते. हाय-वेस्ट लेगिंग्ज यासाठीच डिझाइन केल्या आहेत, त्या स्ट्रेचेबल असतात, त्यांचे सीम्स मऊ असतात आणि त्या स्किनला घट्ट चिकटूनही त्रास देत नाहीत. त्यामुळे जास्त वेळ घालवल्यावरही थकवा जाणवत नाही.
पोर्टेबल पिलेट्सपासून ते फॅशनेबल फोटोशूटपर्यंत- या लेगिंग्ज विविध प्रसंगांत वापरता येतात. कोणीतरी बिनधास्त टी-शर्टसोबत वापरतो, तर कोणीतरी क्रॉप टॉप किंवा स्पोर्टस् ब्रासोबत. काही जणी लेदर जॅकेट आणि स्नीकर्ससह रस्त्यावर स्टायलिश वॉक करतात!
कॉलेज गर्ल्ससाठी हाय-वेस्ट लेगिंग्ज
का परफेक्ट आहेत?
ऑल डे वियर : व्यायामासाठी घातलेली लेगिंग दिवसभर कॉलेजमध्येही वापरता येते.
मल्टी-स्टायलिंग : एकच लेगिंग्ज टी-शर्ट, क्रॉप टॉप, ओव्हरसाइझ शर्ट किंवा ड्रेस खाली घालता येते.
कम्फर्ट + ट्रेंडी : पायांना घट्ट पकड देणं आणि अ‍ॅथलिजरचा ट्रेंडी टच दोन्ही मिळतो.
बजेट-फ्रेंडली : सध्या लोकल ब्रँड्सही दर्जेदार आणि स्टायलिश पर्याय देत आहेत.
सेल्फी रेडी : इन्स्टाग्रामसाठी फिट लूक तयार होतोच!
रंगांची आणि प्रिंट्सची जादू
हाय-वेस्ट लेगिंग्जचे खास आकर्षण म्हणजे त्यांचे रंग आणि प्रिंट्स. पेस्टल शेड्स, ऑम्ब्रे इफेक्ट्स, टाय-डाय, फ्लोरल्स, ग्राफिक लाइनिंग्स- इतक्या विविधता की प्रत्येक दिवसासाठी वेगळा मूड सेट करता येतो.
मंडे मोटिव्हेशनसाठी ग्रे किंवा ब्लॅक, वेन्सडे वर्कआउटसाठी पिंक किंवा नियॉन, तर फ्रायडे फंकसाठी टाय-डाय!
बरोबर काय घालायचं? काही स्टायलिंग टिप्स
स्पोर्टस् ब्रा किंवा फिट टँक टॉप घाला आणि लेअर करण्यासाठी हलका शर्ट किंवा हूडी.
स्नीकर्स आणि क्रॉसबॉडी बॅग या लेगिंग्जसोबत अप्रतिम दिसतात.
मिनिमल मेकअप आणि टॉप-नॉट हेअरबन हा फुल स्पोर्टी स्टाइल.
अ‍ॅक्सेसरीमध्ये फिटनेस वॉच, हेडबँड आणि सनग्लासेस.
भविष्यातील स्पोर्टस् फॅशनमध्ये
लेगिंग्जचा ठसा
फॅशन जगतात सध्या अ‍ॅथलीजर ट्रेंड वाढतोय. म्हणजेच अ‍ॅथलेटिक कपडे फॅशनमध्ये येणं. हाय-वेस्ट योगा लेगिंग्ज हे या ट्रेंडचं हॉट सेंट्रल पीस आहे. पुढे यात बायोडिग्रेडेबल फॅब्रिक्स, फोर्डेबल जेबांसारख्या अ‍ॅड-ऑन्स येतील.
शेवटी एक गोष्ट लक्षात ठेवा…
हाय-वेस्ट योगा लेगिंग्जमधून फक्त शरीरच नाही, तर मनाचाही आत्मविश्वास दिसतो. ती फॅशन असते, जी फक्त पाहिली जात नाही, तर जाणवली जाते. त्यामुळे पुढच्या वेळी लेगिंग्ज घातल्यावर फक्त स्टाइल नाही, तर स्वतःची शक्तीही जपायची!