महापुरुषांचे पुतळे स्वच्छतेसाठी सेवकाची नियुक्ती करा

रिपब्लिकन संघर्ष आघाडीची मागणी

नाशिक : प्रतिनिधी

शहरातील महापुरुषांचे स्मारके व पुतळे अस्वच्छ असून त्यांच्या भोवती घाणीचे साम्राज्य दिसून येते. त्यामुळे महापुरुषांचे पुतळे व परिसर कायम स्वछता ठेवण्यासाठी महापालिकेने अशा ठिकाणी कायमस्वरूपी स्वच्छता सेवकाची नेमणूक करावीm अशी मागणी रिपब्लिकन संघर्ष आघाडी महाराष्ट्र राज्याच्या पदाधिकाऱ्यांनी महापालिका आयुक्त तथा प्रशासक डॉ. चंद्रकांत पुलकुंडवार यांच्याकडे सोमवारी (दि.16) निवेदनाद्वारे केली.

यावेळी दिलेल्या निवेदनात म्हटले कीं, शालीमार येथील भारतरत्न डॉ. बाबासाहेब आंबेडकर यांचा व छत्रपती शिवाजी महाराज यांचा पुतळा व शहरातील सातपुर राजवाडा पुर्णकुर्ती पुतळा व छत्रपती शिवाजी महाराज मंडई सातपुर येथील शिवाजी महाराज पुतळा असे विविध भागातील पुतळे व परिसर स्वच्छ करावा. यामुळे नाशिकच्या सौदर्यात वाढ होईल. याकरीता आपण तात्काळ निर्णय घेवुन आमच्या मागणीचा विचार करावा. असे दिलेल्या निवेदनात म्हटले आहे. यावेळी अध्यक्ष प्रकाश पगारे, उपाध्यक्ष मदन शिंदे, सनी रोकडे, भिवानंद काळे, कार्याध्यक्ष सुनील कांबळे, दिलीप अहिरे, भारत रोकडे, अतुल भवसार, संजय सानप, मुस्ताक शेख आदी सह उपस्थित होते.

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.