शहरात घरफोडीच्या घटनांमध्ये वाढ

नाशिक : वार्ताहर
नाशिक शहर परिसरात दुचाकी , चारचाकीसह घरफोडीच्या घटनांमध्ये वाढ झाली आहे . १ एप्रिल ते १७ मे या १७ दिवसांच्या कालावधीत घरफोडी आणि चोरीच्या ५० गुन्ह्यांत तब्बल १ कोटी १४ लाख ५३ हजारांचा ऐवज चोरी करण्यात आला आहे . नाशिक शहर परिसरात घरफोडी , चेन स्नॅचिंग , चोरीच्या घटनांत वाढ झाली आहे . उघड्या घरातून आणि बंद घराचा कडी कोयंडा तोडून चोरी व घरफोडीचे गुन्हे घडत असल्याचे समोर आले आहे . उपनगर , पंचवटी , अंबड या पोलीस ठाण्यांच्या हद्दीत हे गुन्हा घडले आहेत . ५० घरफोडी आणि चोरीच्या
गुन्ह्यांची नोंद पोलीस ठाण्यात करण्यात आली आहे . ज्यात पंचवटी – आडगाव – ४ , ६ , गंगापूर – २ , मुंबई नाका- ५ , म्हसरूळ – २ , – सरकारवाडा – ४ , रोड- ३ , नाशिक उपनगर – ७ , देवळाली कॅम्प – ३ , – – अंबड – ६ , सातपूर – ४ , इंदिरानगर २ अशी गुन्ह्यांची नोंद नाशिकच्या विविध पोलीस ठाण्यांत करण्यात आली आहे . पोलिसांकडून शहरातील महत्त्वाच्या भागात दररोज बॅरिकेडिंग करत वाहनांची तपासणी केली जात आहे . घरफोडीसह चेन स्नॅचिंगच्या घटनांमध्ये वाढ झालेली आहे . यामुळे पोलिसांपुढे चोरट्यांना पकडण्याचे मोठे आव्हान आहे .

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.