कालव्यात पडून १२ वर्षीय मुलाचा मृत्यू

लासलगाव : वार्ताहर

देवगाव फाटा येथे विवाह समारंभासाठी नातेवाइकांकडे आलेल्या १२ वर्षीय मुलाचा कालव्यात पडून मृत्यू झाल्याची दुर्दैवी घटना घडली . याबाबत अधिक माहिती अशी की , लासलगाव पोलीस स्टेशनला शनिवारी उद्धव भगवान मेहरे ( रा . वारी , ता . कोपरगाव ) यांचा मुलगा यश प्रकाश मेहरे ( वय ११ वर्षे ७ महिने ) देवगाव फाटा , राम मंदिर , मुखेड शिवार , ता . येवला या ठिकाणी लग्नासाठी आला असताना , त्यास कोणीतरी फूस लावून पळवून नेले म्हणून लासलगाव पोलीस स्टेशनला भादंवि कलम ३६३ प्रमाणे गुन्हा दाखल करण्यात आला होता . नातेवाईक व पालक शोधाशोध करूनही तो कुठे आढळला नाही . अखेर १५ तासांनंतर त्याचा मृतदेह सत्यगाव ( ता . येवला ) परिसरात आढळून आला . मृतदेह येवला तालुका पोलीस स्टेशन हद्दीत मिळून आल्याने वरील गुन्हा येवला तालुका पोलीस स्टेशनला पुढील तपासाकामी वर्ग केला असून , अधिक तपास येवला पोलीस करीत आहेत .

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.