कावनईला महिलेचे दीड लाखाचे दागिने लंपास

मुकणे : प्रतिनिधी कावनई शिवारातील मुकणे ग्रामपंचायत सदस्य रामभाऊ राव यांच्या आई अनुसयाबाई यांच्या गळ्यातील दीड लाख रुपये किमतीचे सोन्याचे डाग वाहनधारक चोरट्यांनी दिवसाढवळ्या गळ्यातुन ओढुन पळवल्याची घटना काल रविवारी दुपारी दीड वाजेच्या सुमारास घडली . याबाबतचे सविस्तर वृत्त असे की , मुकणे येथील ग्रामपंचायत सदस्य रामभाऊ राव व त्यांचे कुटुंब कावनई रोडवरील वाघोबावाडी व बळवंतवाडीकडे जाणाऱ्या रस्त्यालगत शेतावर राहत असुन तेथे त्यांचे किराणा दुकान आहे .

काल रविवार दुपारी घरी कोणी नसल्याने त्यांची आई अनुसयाबाई कचरू राव या दुकानावर थांबल्या होत्या याच दरम्यान दुपारी दीड वाजेच्या दरम्यान दोन जण मोटारसायकलवरून आले व बिस्कीटपुडे घेण्याच्या बहाण्याने एकजण दुकानावर गेला व एकजण गाडीवरच थांबुन होता याच वेळी अनुसयाबाई यांच्या गळ्यातील दोन सोन्याच्या पोथी ( अंदाजे किंमत २ लाख ) गळ्यातुन हिसकावून दोघांनीही गाडीवरून पलायन केले.

त्यांनी आरडाओरडा केला मात्र मोटारसायकलवरून दोघेही पसार झाले या घटनेमुळे परिसरात घबराट पसरली असुन श्रीक्षेत्र क कावनई जवळच असल्याने या रस्त्यावर नेहमीच काहीशी वर्दळ असते . परिसरात महिलांच्या गळ्यातून सोने चोरीच्या घटना वाढत असुन घोटी पोलिसांनी याकडे लक्ष देऊन सदर घटनांचा बंदोबस्त करण्याची मागणी होत आहे .

हेही वाचा : महिलेच्या गळ्यातील ३५ हजार रुपयांचे सोन्याचे दागिने घेऊन चोरट्यांचा पोबारा

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.