बिबटयाच्या हल्ल्यात साडेतीन वर्षाची बालिका ठार
त्र्यंबकेश्वर तालुक्यातील घटना
त्र्यंबकेश्वर; प्रतिनिधी
तालुक्यातील ब्राह्मणवाडे येथे साडे तीन वर्षाची बालिका घराच्या अंगणातून बिबटयाने झडप घालुन उचलून नेली.बुधवारी रात्री नऊ वाजेच्या सुमारास घराच्या अंगणात आलेल्या नयना नवसु कोरडे या बालीकेला अंधारातुन आलेल्या बिबटयाने पळवले.घरातील माणसांनी आरडाओरडा करत पाठलाग केला मात्र काही मिटर अंतरावर बिबटया नयनाला टाकुन पळाला.मानेवर जखम झालेली नयना जागीच गतप्राण झालेली होती.माहिती मिळताच पोलीस नीक्षक बिपीन शेवाळे,वनपरिक्षेत्र अधिकारी आदी जागेवर हजर झाले.बालीकेचा मृतदेह ञ्यंबक ग्रामिण रूग्णालयात आणला होता.धुमोडी,वेळुंजे आणि यावेळेस ब्राह्मणवाडे असे एकाच परिसरातील गावांमध्ये आता पर्यंत तीन बालके बळी गेले आहेत.