शिवडी परिसरात बिबट्याची
दहशत
गाभण गिर गायीवर हल्ला
निफाड : प्रतिनिधी
निफाड तालुक्यातील शिवडी परिसरात बिबट्याची दहशत वाढली आहे शुक्रवारी मध्यरात्री शिवडी रेल्वे गेटनजिक राहणारे बाळासाहेब सानप यांची गिर गाय बिबट्याने हल्ला करुन ठार केली आहे त्यामुळे परिसरात घबराट निर्माण झाली आहे
शिवडी माळवाडी भागातही गेल्या पंधरवाड्यात बिबट्याने कुत्रा व वासरु फस्त केले होते याबाबत वन विभागाला कळवुनही दखल घेतली गेली नसल्याचे नागरिकांनी सांगितले शिवडीत गिर गाय ठार करण्यात आल्याने बिबट्याची मोठी दहशत निर्माण झाली आहे परिसरातुन शाळेत जाणारी मुले मुली घाबरली आहे त्यामुळे पालक वर्गात भितीचे वातावरण निर्माण झाले आहे
शिवडी भागात दोन पिंजरे लावावे अशी मागणी शिवडी सोसायटीचे चेअरमन बाबुराव सानप, माजी उपसरपंच संजय शिंदे ,अण्णासाहेब सोनवणे , अरुण क्षीरसागर ,करण सानप आदींसह ग्रामस्थांनी केली आहे