माडसांगवीत डोक्यात फावडे टाकून विवाहितेचा खून

नाशिक : प्रतिनिधी
माड सांगवी येथील विवाहितेचा डोक्यात फावडे टाकून खून केल्याची घटना आज मध्यरात्री घडली, आरती विशाल कापसे वय 24 असे या विवाहितेचे नाव आहे. याबाबत आडगाव पोलीस ठाण्यात लताबाई जाधव यांनी फिर्याद दिली. 16 मे 2016 रोजी माड सांगवी येथील विशाल कापसे यांच्याशी विवाह झाला. पण लग्नाच्या 1 वर्षातच आरतीचा किरकोळ कारणावरून छळ होत होता. असे तक्रारीत म्हटले आहे, 10 दिवसापूर्वीच ती सासरी नंदण्यास आली होती. मात्र काल रात्री किरकोळ कारणावरून वाद झाले होते. पती विशाल याला दारूचे व्यसन होते. असे मुलीचे चुलते कैलास जाधव यांनी सांगितले. याबाबत आडगाव पोलिसात गुन्हा दाखल करण्यात आला आहे.

पती विशाल याने डोक्यात फावडे टाकून आरतीचा खून केला. घटना घडली तेव्हा आरतीचे सासू सासरे घरी नव्हते. मात्र पती विशाल आणि इतर मंडळी घरी होती. कौटुंबिक वाद झाल्याने रागाचा भरात विशालने आरतीच्या डोक्यात फावडे मारले. त्यानंतर तिला जिल्हा रुग्णालयात आणले. मात्र घाव वर्मी लागल्याने तिचा मृत्यू झाला.

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.