दोन हजारांची लाच स्वीकारताना मालेगावच्या पोलिसाला अटक
नाशिक: प्रतिनिधी
उसने दिलेले पैसे मित्र परत करत नसल्याने तडजोड करण्यासाठी पाच हजारांची लाच मागितली असता दोन हजार स्वीकारताना मालेगाव च्या पवारवाडी येथील पोलिसाला लाच लुचपत प्रतिबंधक विभागाच्या पथकाने रंगेहाथ पकडले. दिलीप बाबुराव निकम, (५७,रा. साकोरा ,नांदगाव) असे या लाचखोर पोलीस हवालदाराचे नाव आहे. पोलीस निरीक्षक नितीन पाटील, पोलीस नाईक चौधरी, अनिल गंगोडे, पंकज पळशीकर, विनोद पवार यांनी ही कारवाई अधीक्षक शर्मिष्ठा वालावलकर, अपर अधीक्षक माधव रेड्डी, उप अधीक्षक नरेंद्र पवार यांच्या मार्गदर्शनाखाली ही कारवाई केली.