आमदार हिरे यांना धक्का, दिराचा पराभव

नाशिक: प्रतिनिधी

सर्वांचे लक्ष वेधून घेणाऱ्या प्रभाग क्रमांक 7 मधून सुरेश पाटील भाजप, हिमगौरी आडके भाजप, स्वाती भामरे भाजपअजय बोरस्ते शिवसेना हे विजयी झाले. या प्रभागात आमदार सीमा हिरे यांचे दीर योगेश मुन्ना हिरे यांचा पराभव झाला. त्यामुळे आमदार हिरे याना धक्का बसलानाशिक महानगरपालिकेच्या सार्वत्रिक निवडणुकीत प्रभाग क्रमांक ७ मध्ये मतदारांनी कौल देत चुरशीची लढत पाहायला मिळाली. या प्रभागात भारतीय जनता पक्षाने तीन जागांवर विजय मिळवत आपले वर्चस्व सिद्ध केले, तर शिवसेनेने एका जागेवर यश मिळवले.
भाजपचे सुरेश पाटील यांनी १०,६९५ मते मिळवत प्रतिस्पर्धी राजेंद्र सूर्यवंशी (८,२७९ मते) यांचा पराभव केला. महिलांच्या जागेत भाजपच्या हिमगौरी आडके यांनी ११,१८४ मते मिळवत शिवसेनेच्या रोहिणी शिरसाठ (९,९९२ मते) यांच्यावर मात केली.
तिसऱ्या जागेवर भाजपच्या स्वाती भामरे यांनी ११,७४० मते मिळवून शिवसेनेच्या वंदना रकिबे (७,०६२ मते) यांचा मोठ्या फरकाने पराभव केला.
दरम्यान, शिवसेनेला प्रभागात दिलासा देणारा विजय अजय बोरस्ते यांनी मिळवला. त्यांनी १३,०२२ मते घेत भाजपच्या योगेश हिरे (६,९२० मते) यांचा पराभव करत शिवसेनेची एकमेव जागा कायम राखली.
प्रभाग क्रमांक ७ मधील या निकालातून मतदारांचा कल स्पष्टपणे भाजपच्या बाजूने झुकलेला दिसून आला. निकाल जाहीर होताच विजयी उमेदवारांच्या समर्थकांनी जल्लोष करत आनंद व्यक्त केला.

Bhagwat Udavant

भागवत उदावंत हे गेल्या 25 वर्षापासून पत्रकारितेत असून, विविध दैनिकांत उपसंपादक, वरिष्ठ उपसंपादक म्हणून काम केलेले आहे. गांवकरीत सध्या वृत्तसंपादक या पदावर कार्यरत आहेत. ऑनलाइन व डिजिटल पत्रकारिता बरोबरच राजकीय विषयावर विपुल लेखन केलेलं आहे. पत्रकारितेतील मास्टर पदवी त्यांनी मिळवलेली आहे.